التباشير السادس لأمهات مواليد مــايــ..5...ـــو و يونــــ...6...ــو 2016

هيوف 🌸
الف حمدلله على سلامتك والله يجعلها من الذرية الصالحة
نبض سبتمبر وجود999 🌸🌸
الله يكتبلكم ولادة سريعه ميسره ان شالله ،، جربوا التحريض اضمن من الخلطات
اشراقة انثى ✨
حمدلله على سلامة مامتك الله يخليها ليك ،، تسلمين حبيبتي ع الدعوات ،،
حكاية مملة🌸
الله يسهل عليك
خزامى 🌸
حمدلله على سلامة ولدك وخروجة من الحضانة. 💙💙 وبالنسبة للمغص يجي عادة من بعد الطفل الثالث او الرابع اذكر ماجاني ببناتي 2 الكبار وبالثالثة بغيت اموت كأنه طلق كنت اخذ مسكّن من المستشفى بس مامنه فايدة وقالت امي هذا معروف يجي من بعد الثالث او الرابع وكانت امي تسوي لي مرق وتخليني اشربه وهو يميل للحرارة وعطتني تمرة مخلوطة برشاد تقول خله ينزل الدم هذا الرحم ينكمش وإذا نزل الدم يخف الالم ويرجع الرحم بسرعه ،، وفعلا كنت ارتاح شوي بعد ما اشرب المرق الحار ،، والظهر زي ما قالوا البنات ماش وحلبه واكل صحي بيض ولحم وعصائر طازجة ،،، وأهم شي الرااااااااحة حاولي قد ماتقدرين تتمددين ع ظهرك لاتنامين ع جنب وترفعين راسك ، هذي ع قولة امي تجيك الميلة يعني يصدّع راسك وتتعبين . ولا تطولين وانتي جالسه حاولي تكوني اغلب الوقت مرتاحة ومتمردة لاتتعبين نفسك بكثرة الحركة ترا مهما تغذيتي بس ما ارتحتي وأتحركتي كثير حتحسي بألم في ظهرك ، انا كذا أعاني دايماً من ظهري ... ما اقول الصقي بالسرير بس حركة بسيطة ومعقولة ع الاقل الاسبوعين الاولى

حبيباتي اللي ردوا علي بخصوص لولو ماركت واللي دعوا لي جزاكم الله خير الله يسهل امرنا وأمركم ويسخر لنا عباده الصالحين ،، والله ونعم الأخوات ربي يكتب لك السعادة والتوفيق 💕
سامية بأخلاقي ابشري بصور قرابيعي اذا رجعت لبيتي ان شاءالله ، انا زيك بعد أحب اشوف المشتريات😅
ام وفاقدة الام فديتك كنت بكنسل مشوار لولو ماركت خفت ما ألقى شي زين ولما قريت ردك انها قريبة من الردود تشجعت قلت نمره عالسريع ، لاهنتي ي قلبي ،، مريته والحمدلله لقيت السفرة اللي كنت ابيها 😍 لقيت عليها عرض ب139 واخذت كرتونين ابيها تجي كثير بس ندمت ما أخذت 3 لان بكل كرتون 4 من كل قطعه يعني صارت 8 وانا ودي انها 12 شكلي برجع اخذ كرتون زيادة لان ضيوفي كثييير . اعجبني الماركت مررة بس زحمممة وزوجي مايطيق الزحمة كان ودي افرفر بعد وانقي كم شغلة بس مااش ما يمدي 🌚 اخذنا السفرة اهم شي وطلعنا .

تصحيح - انها قريبة من الربيع مول **

ربي يفرج همك ويسعدك ياسما على هالنصايح والله اني بحاجتها واحس اني ضايعه مادري وش اسوي خصوصا عندي ولدي قبل مشغلني الله يصلحه
صورة كلامك وان شاءالله انفذه
انا مرا اكلي قليل بس اسكت جوعي
والمغص جدا فضيع بس الحمدلله الان اخف
والنومه للاسف اخاف انام على ظهري بس على جنوبي
بس خلاص بحاول انام على ظهري اريحه

السلام عليكم ياحلووووات ..


كيفكم اخباااركم




مبروووك للي ولدوا رتوشا وهيوف ونسيت مين كمان والحمدلله ع سلااامتكم...


خزامى واللي ولدها ف الحضانة الحمدلله ع سلامة الخروج..


مها الله يسهل عمليتك ويقومك بالسلامة..


نبض سبتمبر واللي وصلوا نهاية شهرهم الله يييسهل لكم ولادة طيبة واتوكلوا ع رب العالمين هو مقدر المقادير ويكتب الخير للانسان ..لكن احنا نستعجل .. وخلق الانسان عجولا...


اشراقة الحممدلله ع سلامة والدتك.. والله يحفظها ..


سما تتهمي بالمشتريات والله يبارك لك..


سما بسألك الرشاد ينشف الدم ولا يطلعه.. ناس تقول اول النفاس وناس تقول اخره.. مرررة احترت افكر اخذه بالنص يعني بعد15يوم ووقفه قبل 10 ايام ...




انا قرأت سررريع واللي اتذكرت رديت عليهم .. واللي نسيت سااامحوني اذا فضيت يمكن ارجع اشيك من جديد...