انا حامل وابغى اكفل يتيم
بنات انا حامل وباقي على ولادتي قليل الله يسهل علي وعلى جميع الحوامل ... فكرت انا وزوجي نكفل يتيم وارضعه مع ولدي واكسب اجر ان شاءالله ويعيش معنا وبإذن الله ما افرق بينه وبين عيالي ... لكن انا اخاف من العواقب بعدين ... يعني اخاف ما اقدر على هاذي المسؤولية بحكم اني بكر وهذا اول حمل لي وانا بعيدة جداً عن اهلي اخاف ما اقدر على هذا الحمل ... و اخاف الاهل والاقارب مايتقبلونه اذا كبر وممكن هالشيء يأثر على نفسيته او يصير العيال يعايرونه انه يتيم ويحس بالفرق ويحس انه ماهو مرغوب ... مادري كثير افكار مشوشه براسي وزوجي يقول لا تشيلي هم بعدين ربي بيحلها .. المهم الان ... وافكر بعد لو كفلنا بنت كيف راح يكون وضعها اذا كبرت ... يعني تكشف على زوجي او لا ... يصير وجودها خطر او لا .. واذا ولد مسؤولياته بتكبر معاه ومادري اذا بقدر اتعامل معاه مثل ولدي او لا ... شوروا علي يالربع ... اتوكل على الله واقدم على هاذي الخطوة ولا لا ... لا تقولوا فكري ... فكرت وتعبت من التفكير الان ابغى القرار لان مابقى كثير على ولادتي .. وانا وزوجي ما نبغى نستشير اهلنا لان اهلي واهله مابيشجعونا على هالشيء الا بيصعبون الموضوع عشان كذا نبغى حنا نقرر ونتحمل نتيجة قرارنا ... عندكم حل يابنات .. وش تنصحوني به ..