المراره عذبتني ونكدت علي حياتي

والله كنك تتكلمين عني قبل شهر واسبوع !!


كانت عندي حصى في المراره وكنت تعبانه بشكل موطبيعي ونزل وزني ومحتميه ونفسيتي زي الزفت بس خايفه في اي وقت تثور عليا واضطر للمستشفى والمغذيات ،،


وفي نفس الوقت كان عندي رعب مو طبيعي من العمليه والبنج وكل ليله ابكي وخايفه على عيالي وحالتي حاله وزوجي غصبني اسويها وانا كنت خااايفه ورافضه بس تعرفين الان شكرته وقلتله انت الصح وليتني سويتها من زمان !!


بطني كانت دايما توجعني من جميع الجهات واحس كنه فيها شي يتحرك وتعب ووسوسه وخوف ،،


سويت العمليه لي شهر الان واحمد الله اني سويتها ، ثلاث ارباع الاعراض راحت مني ماعدا حرقان مع القهوه !


ومحتميه بالحليب والاجبان ومخففه دهون ، والله حاسه براحه مو طبيعيه وودعت الالم والخوف ،،


انصحك تتوكلين على الله وتسوينها وترتاحين طول العمر ، والله اني كنت بنفس وضعك وخوفك والمك بس الحمدالله ربي سهلها وانعم علي بالصحه والعافيه ،،


تقومين بالسلامه يارب ،،

ماشالله الله يهنيك يارب والحمدلله على سلامتك
صدق الحياه حلوه بدون مراره
يارب تكتب لي اسوي العمليه وافتك منها للأبد
بنات عندي خوف وهوس من فكره البنج
يعني مستحيل يشيلون المراره بدون بنج كامل

فيه حبوب لها بس تطلبينها من مصر ممتازة للمرارة من السعودية مقطوعة انا اجيبها من بنت تطلبها لي من مصر انتي أن تعرفي أحد من مصر اطلبيها وادعيلي أن ربي يرزق اختي بالذريه الصالحه .اسمها الحبوب رواكول اسألي عنها واستخيري

توكلي علي الله وسويها والله يشفيك وبعد عنك وعنا هالامراض

ياحبيبتي الف سلامه عليك


امي سوتها من سنين طويله بمنظار فتحه مره صغيره تفتيت الحصى والحمدلله
والله وصلت مرحله كانت تستفرغ كل شي حتي المويه


وزوجه اخوي سوتها وتقول الحمدلله ارتاحت


الله يسهل لك وتشجعي اختي وكل انسان مابياخذ الا نصيبه لاتخافي


توكلي ع الله وربي يشفيك