التباشير السادس لأمهات مواليد مــايــ..5...ـــو و يونــــ...6...ــو 2016

الف حمد لله ع السلامة وسلامة العروسة تتربي في عزكم

صباح الخير يابنات
الف مبروووك للي ولدوا والله يسهل على الباقين
ماشاءالله بديتوا تخلصون النفاس انا اليوم لي 17 يوم من ولدت ورحت امس لموعدي للدكتوره قالت وقفي غسول البيتادين وشافت الخيوط قالت فيه التعاب بسيط واللون شوي محمر من الالتهاب وقالت وقفي كريم الميبو
ووصفت لي حبوب مضاد وغسول زي الجل الغسول العادي اللي نستخدمه بالايام العاديه وحطيت من بمويا بس حسيت فيه ريحة عطر هو مكتوب عليه مكونات طبيعيه وتركته قريت عنه بالنت مااحد استخدمه بعد الولاده خفت الريحه تسبب لي شمم وكتبت لي كريم ثاني بالعسل اسمه هلثي مكس اتوقع كذا
امممم وقالت الخيوط لسى موجوده ماطاحت وباقي شوي عشان يلتئلم الجرح تعالي الاسبوع الجاي لو ماطاحًوا نشيلهم اذا رحت الاسبوع الجاي اصير لي 23 يوم توقعون افضل اروح لها والا اخلي الخيوط تطيح من نفسها

بنات سؤال غلييظ 😁
استمتع جدا وانا اقرا اكشنات الولادة واعيش الجو واتاثر جدا
بس عندي ملاحظة انو نادرا ما تذكرو الزوج اثناء الولادة
يعني دوره كومبارس صامت .. ولا وحدة ذكرت مثلا انو دخل معها غرفة الولادة او كيف لازم يتصرف ويدعمها
انا ان شاء الله بكون معي حتى بغرفة الولادة مستحيل يتركني بهالموقف وحيدة 😥
يا ريت يلي دخل زوجها معها تذكرلنا السلبيات والايجابيات 🙈
وهل انتو مع ولا ضد الفكر

كان تحجير قووي مع ضغط والم اسفل الظهر ،،مو نفس التحجير اللي كنت متعوده عليه طول فترة حملي
اختلف صار اقوى ويقطع النفس لدرجة تحسين احد قاعد ع صدرك ويجي كل شوي وبعدين يصير متقارب
انا كنت منتظره مغص الطلق لين حسيت فجأه بدفع النونو ،،عرفت انه طلق

ريتا
اتوقع بسبب ان اغلب المستشفيات السعودية ممنوع دخول اي شخص وقت الولادة خصوصا الحكومي حتى امك ما تدخل ،، بس الخاص ساعات يوافقو ..
واسمع من حريم يقولو ما يبغو ازواجهم يدخلو عشان لا يقرفوا منهم او لسبب اخر ،، بصراحة هرجة يقرفوا دي ما دخلت راسي .
بتكلم عن نفسي حاليا انا زوجي دخل معايا بس انا مش في السعودية ..
بصراحة لو فكرت احمل مرة ثانية وخيروني بين امي وزوجي باختار زوجي بدون جدال ولا حتى تفكير ..
انا في البداية جاني طلق الين 8 سم وكان طول الوقت يذكرني بالدعاء ويقرأ علي ويشربني موية ويذكرني بطريقة التنفس الصح خصوصا انه جا وقت سرت مو عارفة ايش اعمل من قوة الالم ..
ارادة ربي واتحولت قيصري ودخل معايا ودخل جواله وصور فيديو للحظة خروج ولدي كان اجمل صورة بالاضافة ان انا اهلي واهله ما يدروا اني حامل ف كلمهم في نفس اللحظة يعني لو كنت لوحدي كان ما لقيت من دي الذكريات شيء ،، لما شاف كيف تعبت ما فكر الين اليوم يطلب مني اجيب له كاسة موية يقولي بعد التعب اللي شوفتيه كملي فترة نقاهتك بدون طلبات ..
السلبيات
والله ما اذكر بس صحبتي تقول انها اضايقت من زوجها انه كان ياخذ له سلفي وهو في غرفة العمليات .. 😂😂😂😂😂

انا بعد الولادة بكثير يعني امكن قبل اسبوعين شوفت له كم صورة معايا في غرفة الولادة بس ما حسيت وهو بيصور امكن لو شوفته وقتها كان عصبت وقلت له انك ما عندك احساس بس الحين لما شفت الصور فرحت انه في صور للذكرى

هذا اللي حصل معايا وانا جدا مؤيدة لدخول الرجال ووجوده وقت الولادة ..