ارحمو المطلقات .....نحن نساء من دم ولحم واحساس

وضع المطلقه حسب الاهل والمجتمع
وشخصيتها بالاول والاخير
قريبتي شخصيتها قويه وهي مطلقه مع عيالها
وواهلها خصصو شقه لها بنفس عمارتهم
ولها مطلق الحريه بنفسها وعيالها
تطلع وتروح زي ما تبغى
وماشاء الله هي موظفه تصرف على نفسها وعيالها ومحترمه من اهلها والمجتمع اللي حولها .. وماعمري شفت احد يجرحها او يتكلم عليها

باعطيك نظريه مجتمعي للمطلقه
وحده شاريه راحتها ولافيها عيب ابداا واذا طلعت قدام الناس بشموخ وقوه اقسم لك يكنون لها الاحترام ولما يجي طاريها يقولون لا ماينخاف عليها ،
لكن لما تبان للناس انها مسكينه وفي شي ناقصها ينظرون لها بشفقه ،
انتي حددي موقفك هي حياتك انتي اذا جابو الناس طاريك فكلها ربع ساعه ويروحون لاجوديه ثانيه يحشون فيها يعني ماراح تكونين شغلهم الشاغل ، لذالك هرج الناس لاتفكري فيه
بالنسبه للطلاق اذا كان الزوج حيوان فهو نعيم وحريه تااااامه ، وصدقتي بقصه الوظيفه
ابدا اشغلي نفسك حتى لو تدخلي مركز تحفيظ او معاهد منتهيه بالتوظيف تكونين علاقات جديده وحياه جديده
👑اميره الطويل 👑 انفصلت عن الوليد بن طلال ومازالت مستمره بانجازاتها وماوقفت حياتها ، عن مين انفصلت عن اغنى رجل بالعالم ❗❗
ليش ماعاشت الاكتئاب ليش ماغابت عن البشر ليش ماااختفى اسمها وصار ذكرى ؟!
ع العموم الله يكتب لك اللي فيه الخير ونظره المجتمع لاتقدم ولاتاخد بحياه احد ✋🏻 وعمرك مررررره وحده بس

فعلا هو حظك نصيبك على حسب الاهل بس انتي طنشي اهم شي راحتك دام عندك غرفه ومكيف احمدي الله غيرك مايلقى


انا فاهمتك ترى بعد يخافون من العين يحسون المطلقه تعطي عين كذا تفكيرهم وربي هههه تخلف وانتي ماطقيتي لهم خبر
وسعي صدرك وطنشي. وأمورك تزين اذا انتي طنشتي لعلمك ترا الزمن ذَا مافيه حب وان سو لك حاجه عشان كلام الناس


انتي حبي الله ونفسك وبس

ياقلبي هذي نظرتك لنفسك
انتي تحسين انك عاله ومسكينه
باللهي وش فرق المطلقه عن البنت
ترا كلهم نفس الشيء بس انتي ماحبيتي اللقب
انا تطلقت من قبل وسويت حفلة وعشت احلى حياة وفليت امها ولولا ابوي ماتزوجت بس الحمد لله اكرمني الله برجل عادل
انتي لاتقللين من نفسك ترا الناس ماتدري عن احد

طيب اللي تقول مبسوطه ولا تفكر بالزواج وعندها عيالها


طيب المطلقه بدون اطفال كيف تنبسط واقله اخساس الامومه ماجربته


اهلي اخذين بنفسهم مقلب اذا تقدم لي المطلق ولا المتزوج مايبونه يبون ولد هههههههههه
انا ماقول على الله شي بعيد لا الرزق بيد الله بس في امور الناس تقسيها اذا تفتقر المقومات اللي يطلبونها الشباب مالها الا معدد
الله يرزقني ويرزق كل مطلقه ويسعدنا ويسخر لنا ويقر عينا بالزوج اللي يخاف ربه وبالذريه السليمه الصالحه