اكسبي اجر وقوليلي اولادي والصيام والمدرسة

السلام عليكم حوائيات
بلغنا الله واياكم رمضان على خير وصحة لا فاقدين ولا مفقودين
عندي 3 اطفال في الصف الاول والثاني والثالث
الحمدلله انا معلمتهم على الصيام الكامل من بدري ومو اول رمضان يصوموه
(الله يثبتهم ويصلحهم ويجعلهم هاديين مهتدين )
بالعادة يناموا الفجر ويصحوا الظهر


بس اول مرة يصدف رمضان ومدرسة


دوامهم ليوم 25 رمضان من 7 ونص ل 12
يعني لازم يصحوا بدري
وما ابغى اقلهم افطروا ويستسهلوا الافطار وكل ما حس بمشقة قال خلاص بفطر

وفي نفس الوقت شايلة هم انو النهار بيكون طويل عليهم وهم من النوع اللي ما ينام العصر
و شايلة هم اذا شافوا الطلاب الغير مسلمين في المدرسة ياكلوا ويشربوا انو يكرهوا صومهم :(


انا جلست معاهم وسالتهم اذا ناويين يصوموا وطبعا ناويين ومتحمسين
وشرحت لهم انو ممكن يشوفوا طلاب ثانيين ياكلون وقالوا عادي
وقلتلهم كيف هم راح يكونوا مميزين بصومهم وكيف راح يحترمهم الكل لانهم احترموا تعاليم دينهم
لكن في النهاية هم مجرد اطفال


الله يسعدكم اللي عندها افكار احفزهم فيها واشجعهم
او افكار كيف اسوي نظامهم في رمضان تساعدني
وجزاكم الله خير

10 تعليق 968 مشاهدة

شاركي في النقاش

سجلي الدخول لإضافة تعليق.

التعليقات

10
  1. @ryh_alhnaaa

    ياعمري الله يكتب اجرك واجرهم يارب ويثبتهم على طاعته والله صغار ياعمري عليهم احس باقي بدري اتوقع انتي مو من دول الخليج لانا هنا في الخليج خلاص الحمد لله اجزو وماعندنا دراسه في رمضان قبل سنتين ان شاء الله بس لاتظغطين عليهم والله تري باقي صغار او خليهم يصومون يوم ويفطرون يومين وقوليلهم ماعليه الحين نبدأ كذا الين تسيرون تقدرون تصومون كامل والله قلبي عورني عليهم اخاف يجيهم هبوط والله يدوخون من الجوع وبالذات لو شافو صغار ياكلون بس تكفين لا تظغطين عليهم ولاتستعجلين عليهم تري والله باقي صغار
  2. صاحبة الموضوع
    ريحة الحناء
    ياعمري الله يكتب اجرك واجرهم يارب ويثبتهم على طاعته والله صغار ياعمري عليهم احس باقي بدري اتوقع انتي مو من دول الخليج لانا هنا في الخليج خلاص الحمد لله اجزو وماعندنا دراسه في رمضان قبل سنتين ان شاء الله بس لاتظغطين عليهم والله تري باقي صغا…
    امين يا رب الله يسمع منك

    لا والله انا في ينبع لكن اولادي في مدرسة عالمية عشان كئا

    هم يصومون رمضان كامل اللهم لك الحمد ولا يوم يفطروا صعب اجب اقلهم صوموا يوم وافطروا يوم
    حتى لما كلمتهم قلتلهم عن دوام المدارس قالوا انتي قلتي الرسول صلى الله عليه وسلم كان صايم في غزوة بدر والمدرسة اسهل من الحرب

    والله يشهد ما بضغط عليهم لكن كمان ما ابغاهم يستسهلوا الافطار
  3. @um_joud

    انا عيالي الصغار نفس الشي 3-4 ابتدائي والاصعب انهم في دولة اجنبية
    والعام الماضي صامت بنتي وارسلت لي معلمتها انه لاتصوموها عشان لا تتعب يعني انها حزنانه عليها
    فانقهرت وخبرتها انها معاها لانش بوكس بس هي حابة تجرب الصيام وهو في ديننا ماهو واجب على الاطفال
    فالسنة خبرتهم انه اللانش حيكون معاهم وان حسو بتعب يفطرو ولا يضغطو على نفسهم
    والاهم انهم مايخبرو احد بصيامهم لانهم كفار ومايفهمو
    والله يعين
  4. صاحبة الموضوع
    um joud
    انا عيالي الصغار نفس الشي 3-4 ابتدائي والاصعب انهم في دولة اجنبية والعام الماضي صامت بنتي وارسلت لي معلمتها انه لاتصوموها عشان لا تتعب يعني انها حزنانه عليها فانقهرت وخبرتها انها معاها لانش بوكس بس هي حابة تجرب الصيام وهو في ديننا ماهو واج…
    الله يحفظهم ويثبتهم على الدين
    الله يعينك دايما اقول الله يساعد الناس اللي تربي اولادها في دول مو مسلمة
    جزاك الله خير على ردك
  5. صاحبة الموضوع
    واللي قاهرني ادارة المدرسة مرسلين انو في 23 رمضان مسويين ( traditional food day )
    فهمنا في ناس ما يوموا لكن المدرسة اغليها مسلميين كيف يسووا مهرجان اكل في رمضان

تابعي تجارب أخرى من هذا القسم.