اللي جربت حبوب Vitex تدخل 😔..

السلام عليكم


يٓ بنات انا صار لي سنه من تزوجت ولاكتب الله اني احمل
بس فيه شي مضايقني والا انا عادي توني وبصبر والله كريم
خالتي ام زوجي كل مانزلت عندها انا وزوجي قامت تسئلني ها ماحملتي شوفي فلانه و فلانه بعدك وحملن 😔
وقبل اسبوع في جمعة حريم كنت موجوده واسئلتني خالت زوجي ماحملتي قلت لها الله كريم
وقالت ام زوجي بصوت طويل والكل يسمع نوره مافي بطنها الا الفضلات ( وانتم بكرامه )قالتها ب الكلمه العاميه وانا عبرتي ماسكتها بحلقي وصابره شكيت لخواتي وقلت بقول للزوجي قالن انتبهي تسببين بينه وبين امه مشاكل ومهما قالت ذي امه ويمكن يقولك ايه ليه ماحملتي ويضايقك زياده


عاد امس رحت وشريت حبوب Vitex من ارمال
واللي جربتها تقولي كيف الطريقه لاني تعبت 😔

12 تعليق 18,900 مشاهدة

شاركي في النقاش

سجلي الدخول لإضافة تعليق.

التعليقات

12
  1. @mnar_11_1

    هلا اختي
    انتي توك عروسه ما شاء الله عليك
    يعني ماتعتبري متأخر واجد
    بس من بعد سنه زواج بدون حمل لازم تروحين لطبيبه نساء تسوي لك فحوصات وتحاليل هرمونات
    من يوم ثاني الدورة
    تعملي تحليل الغده وهرمون الحليب
    وتتابعي معاها تبويضك
    وان شاء الله خير
    هذا رمضان قريب حاولي تتقربين من الله وتدعين بالذريه الله يرزقك ويرزقنا


    شوفي بالنسبه لكلام ام زوجك هي صحيح امه ولازم تحترمينها ولاتفرقين بينهم
    بس انتي بطريقتك فهميها وفهمي زوجك ان هذاا الشي بيدالله مو بيدك


    انا جربت الفايتكس ثلاث شهور
    بس ما الله اراد ليالحمل
    كنت اخذ حبه باليوم من اول يوم تنزل الدورة لين يوم 14 و واقف
    صراحه استفدت منه صارت الدورة قليله و المها خف اكثر من قبل


    شوفي انا صروا يهذون على راسي لين قلت لهم ولدكم مو راضي يعالجني وسكتو وانطمو
    ولا عاد يجيبون سيره الحمل الا نادر
    انا لي سبع سنوات دعواتك لي بالذريه الله يوفقك
  2. @nor_alsbyaay100

    صاحبة الموضوع
    ياجعل ربي يرزقك ب الذريه الصالحه اللي تبر بك وتسعدك ..
    انا عارفه انه توني بس انا ابي اسكتهم تعبت من نغزاتهم ب الحكي
    والمشكله هم من عايله لازم يعددون وانا خايفه 😔
  3. @mrahb_6

    الله يرزقك يارب
    طيب استخدمي أشياء طبيعيه عندك خلطة العسل و طلع النخل موجوده عند محل وادي النحل اذا رحتي قولي ابي خلطة العسل لتنشيط وهو يسويها قدامك و ماشاء الله كثير احملو بعد الله وبعد هالخلطه ..
    استخدامها من أول يوم دوره ملعقه على الريق و تشربين بعدها ماء و بعد ساعه افطري عادي و اخذي ملعقه قبل النوم الى 13 او 14 من الدوره ..
    وادخلي قوقل و ابحثي عن تجارب العسل ..
    والله يرزقنا و يرزقك و يرزق كل وحده اتمنى الضنى ..
  4. @ghyom_24

    نورة قلبي زوجك لازم يعرف بالموضوع اجل تسبك وتسكتين لا مع احترامي
    وبالنسبة للحبوب الافضل تابعي عند طبيبة وخلي زوجك يفحص البلا اغلبه بالرجال هو اللي يأخر الحمل اكثر من المرة

تابعي تجارب أخرى من هذا القسم.