السلام عليكم بنوتات عالم حواء
كل عام وانتم بألف خير وصحه وسلامه
الله يبلغكم رمضان وانتم بالف صصحةوسلامة
بنات عندي مشكلة ويعلم الله اني ماارتاح إلا لمنتداكم الرايع ولهذي الوجيه الطيبة
انا توي عروس ماكملت سنة وانا ساكنة بمنطقة وأهلي بمنطقه
انا شخصية رسمية ماعندي الفرفشة والضحك واسوي أجواء حلوة مو بكيفي هذي شخصيتي
والمشكلة لما تزوجت دخلت بالمحك الحقيقي أبغى اسعد زوجي ابغاه يحب سوالفي وحتى لما أقعد معه أستحي وماعندي سوالف زي الناس اقولها وكل سوالفي مو بذيك الزود والاهمية لاني ماني من النوع الجريء واللي يتكلم بطلاقة
اقول كلمتين واتلعثم مااعرف اقول سالفه كامله ومهمة وحتى في السيارة نروح ونجي ونحن ساكتين
انقهر لما اشوف زوجي يحب يطلع مع أصحابه ويضحك وآخر بسطة ووناسه وانا ماأقدر اخليه يحب البيت واجذبه للبيت
طيب يابنات والله مو بيدي انا كذا شخصيتي من يوم يومي مااحس اني أسوي أجواء فرفشة وضحك ووناسه وسوالفي عادية مافيها اي شيء يحمس
هل فيه امل يتغير الحال
كلامي ملخبط لكن ان شاء الله فهمتوا قصدي
يالله حبيباتي أنتظر فزعتكم زي ماتعودت
لاتتركوني بهمي وغمي
في امان الله
شاركي في النقاش
سجلي الدخول لإضافة تعليق.
التعليقات
23- والله ياقمر انا احس الزوج هو الي يجرأ الوحده
بكلامه بمزحه بحركاته
بس لازم تغيري من شخصيتك شويه والحيا مع الزوج مطلوب بس في حدود المعقول ان زاد زادت الفجوه ودور جو ثاني
حاولي ياقلبي يعني بالسياره انسب مكان تتكلمي الى ماتتعودي تتكلمي وهو قدامك
بالذات ان شخصيته يحب الكلام والوناسه
اساليه مثلاً ولمن يتكلم ناقشيه جيبي موقف مشابه لكلامه
الجوال ارسليله كلام واتكلمي وسولفي
الله يعينيك حاولي تغيري من شخصيتك هو الموضوع امكن في البدايه صعب بعدين تسيري مبدعه
والله يوفقك ويسخره لك. - وعليكم السلآم ، شوفي طبيعه كل بنت اول ماتزوج تستحي وتحس مافي سوالف ينقال بينهم وهالشى يرجع لزوج مفروض هو يفتح مواضيع او سوالف واذا فتح انتي خلج مستجيبه له تفاعلي واضحكي واذا ماعجبج طلعيه من الموضوع لشى ثاني ادري شخصيتج تقولين غير بس حاولي تقعدين مع نفسج وتغيرين فيها عشان حياتج ماتصير ممله وهو يمكن ملاحظ وساكت مايبي يجرحج ف انتي ابدي معااه من باجر تغيري والله يسعدكم يارب
- ببداية الزواج كذا الوضع مع الوقت تتعودي تاخذي وتعطي وتصير فيه سوالف
- يعني انتي شخصيتك كذا حتى قبل الزواج ومع الناس كلهم
مو سالفة حيا لو تستحين بس كان عادي بنقول فتره وتتعودي عليه
لان كنت كذا استحي حتى اقول اسمه وربي مره امه جت وقالت صحيه وادخل الغرفه وشايله هم كيف اناديه واحاول واحاول هههههه بطلعة الروح قلت فلان قوم امك تبغاك
واذكر لاجلست مع خواته اسولف واضحك ومن يدخل علينا انطم ماعرف اجمع كلمتين على بعض سبحان الله كم شهر وانطلقت ماعاد اسكت ليومك ذا خخخخخخ قوية لاجل نفسي ببداية الزواج كذا الوضع مع الوقت تتعودي تاخذي وتعطي وتصير فيه سوالف
مواضيع مشابهة
تابعي تجارب أخرى من هذا القسم.