شاركي في النقاش

سجلي الدخول لإضافة تعليق.

التعليقات

2,011

  2. @fok_alghyom_ahlamy

    إشراقة أنثى
    شكرا يابنات دعواتكم منديله أول شيء سويته اتروشت لان المويا لها ريحه قويه وسويت لي حليب بالعسل وشوي وبروح المستشفى الله يسهلها من عنده أستودعكم الله
    استودعناك الله اشراقه والله يسهل عليك ولادتك ويهون عليك طلقك يارب طمنينا عليك

  4. @goana_on

    راح اقولكم اكشني ووش صار معاي
    يوم الاثنين جاني طلوق خفيفه جدا ومنتظمه من 9 الصباح الى 5 العصر
    رحت المستشفى كشفت علي الدكتوره قالت فاتح 1 سانتي وحطو تخطيط قالو مافي طلق
    طلعت من عندهم رجعت البيت نزل علي شوي دم
    صباح الثلاثاء ننزل مني افراز مطاطي مخلوط بدم عرفت انها السداده
    سبحان الله الظهر مافيني الا العافيه ولا فيه طلق ولا شي رحت لامي افطرت عندنا وكذا والعصر رجعت بيتي ونمت وزوجي طلع من عندي
    صحيت ع الم قوي رحت الحمام وانتو بكرامه وانكبت علي موية البيبي لونها اخضر
    مره انفجعت دقيت ع زوجي طلع بعيد ودقيت ع اهلي وقلت لهم يودوني المستشفى
    رحت لهم حطو تخطيط وقاسو الرحم قالت 1 سانتي ومافي اي طلق يذكر
    والمويه تنزل علي من 5 العصر الى 10 الليل هذا يوم الثلاثاء جات الدكتوره قالت انكبت موية البيبي وانتي ماعندك طلق بنحط لك تحميلة طلق صناعي وحطتها وجلست من 12 الليل لين 4 الفجر يوم الاربعاء ذبحني الطلق وتعذبت ومافتح الا 2 سانتي
    لاحظو دقات البيبي تضعف وقت الطلقه واذا راحت الطلقه رجعت دقاته طبيعيه المهم جابو استشاري وقال ننتظر نص ساعه اذا لقينا نفس الحال لازم تتحول قيصري لان البيبي تعب
    وبرضو مع الطلقه تضعف الدقات واذا راحت الطلقه ترجع طبيعيه مره تعبت
    وتحولت قيصري وتمت بحمدالله
    واكتشفو بعد القيصري ان السبب قصر الحبل السري
    ومع الطلق بيشد البيبي ويقل الاوكسجين وتضعف دقاته
    والحمدلله ع كل حال

تابعي تجارب أخرى من هذا القسم.