وش تسمون اللي كذا🙄

الحين انتي بتجيك صديقتك ونظفتي بيتك من الى حتى وكل شي وتعبتي فيه بلحظه تجي ضيفتك وبنتها تعدم الموكيت روج ماليه المكان وتحوس الدنيا وامها ساكته حتى الفاين اللي طلعته تمسح وجه بنتها خلته لي ذكرى هههههه والمناديل بنتها تطلع وتطلع وترمي وامها تطالعهها ساكته طيب ه ياربي انا وولدي وهو ببيتي يسوي كذا امنعه وانبهه وهو عمره سنه وبنت ماشالله داخله اربع سنوات امها ماتعلمها لاتسوي كذا ا اقل شي بتسويه انها تنهيها تمنعها تسوي هالحوسه ببيت الناس عيب انا م ماابغاها تنظف لي بس اقلها من الذووق تهتم وتحافظ ع المكان اللي جالسه فيه موكيتي نظظيفف له سنتين معي كانه جديد احافظ عليه والحين مبقع احمر من الروج غير الشيبس اللي مالي الغرفه ولزق فيه يعني مدري هيه تخليها ببيتها تحوس كذا طيب اوك بيتها بس ببيت الناس !طبعا بنات انا من النوع لاشفت الطفل يسوي غلط انبهه امنعه ولدي او غيره ف انا اذا منعت بنتها والا شي تزعل ههههه يعني اعرف الاطفال كلهم يسون حركات بس يعني الام لازم ي انها تتصرف ماتجلس تطالع بكل برود طيب اقلها تبين انها مستاءه من تصرفاته
اللي من هالنوعيه اتمنى يحسو شوي انه عيب وقلة ذوق
كثير نوعيات شفتهم وحده كبت بنتها عصير احمر على موكيت اختي وهي توها نقلت ببيتها الجديد ع بالكم فزت تمسح والا انحرجت لا جلست تكمل تاكل بنتها بكل برود فقمت انا امسح العصير


ملاحظه
انتي قريتي ماعجبك الموضوع تبغين تسبين مابغى منك تعليق رجاء

35 تعليق 5,712 مشاهدة

شاركي في النقاش

سجلي الدخول لإضافة تعليق.

التعليقات

33
  1. @am_lyn_65

    صادقة والله بعضهم تجلطك ببرودها تشوف ولدها يخرب ولا كانها تسوف !!
    والحق والشرهه على الام والا الطفل طفل مايدري وين الله حاطة وان كانت التربيه تبين حتى بالاطفال !!
    الله المستعان بس
  2. @alshfokh

    بصراحه مر عليا كثير كذا بس من جد ماتقدري تتكلمي
    لانها ضيفه والضيف ماله الا الكرامه والاحترام
    تحسي صعب يطلع منك شي يكدر خاطر ضيفتك
    مالك حل الا اذا خرجت تنظفي ومره ثانيه لاتستقبليها بالمجلس
    استقبليها بمحل جلستكم لانه صراحه قهر يتوسخ قسم الضيوف
    والله انا ابداً مااتكلم امشي ولت راحوا انظف
  3. @dlooooaah_o_thooook

    اكره النوعيه اللي كذا في بيتك بالطقاطق ان شاءالله من وساخته يمشي الدود فيه لكن بيت الناس عيب اهتمي شوي
    انا مره حاااااره في المحافظه على نظافة الفرش والجدار ياويل اولادي لو الاقي كتابه بالجدار او طبعه يدينهم والاكل محدده لهم مكان قدام التي في وحاطه فرشه يجلسوا ياكلوا عليها سناكهم يصير هي بس اللي اكنسها بعد اكلهم واذا انكب شي عادي انظفه وفرشي الاساسي نظيف بعكس حماتي وسلفاتي الله يستر عليهم عادي اذا جوني يعطوا اولادهم سمبوسه وهم اعمار سنه وسنتين ويتمشوا في البيت وياكلوا تخيلي عاد اللحم يطيح بكل مكان والزيوت بيدينهم ويمسكوا الابواب والجدار شي ينرفز هذا في رمضان وعادي يعطونهم دونات ولقيمات مليانه شيره ويخلوهم ياكلوا وهم يمشوا تخيلي كل مكان يمسكوه يتلصق بعدهم من الشيره والشوكولا واذا كان عندي عشاء كبسه يجلسوا وكل وحده تجيب صحن لطفلها وتحط فيه شويه رز ولبن وتعطي الطفل ملعقه وتعالي شوفي الحوسه ملعقه في الفم وملعقتين ع الفرش اقسم بالله ان فرشي انعدم من هالحركه وقلت لهم اش هذا ليش معودينهم كذا قال عادي الفرش يتنظف بس اهم شي ياكلوا الصغار 😳 وووع لو اعرف اولادي يموتوا جوع ولاياكلوا وهم يحوسون في الاكل او ياكلوا وهم يمشون في البيت وكانوا ينتقدوني لاني انا بنفسي ااكل اولادي الين يشبعوا بعدين اتعشى مستحيل اخليهم ياكلوا بأنفسهم الين تعلموا وصاروا يعرفوا يمسكوا الملاعق وياكلوا بأدب ونظافه
    هذاغير ملاابسهم اللي تصير تسد النفس من حوستهم بالاكل والعصيرات اللي يكبكبوا فيها والله اني شايله همهم اذاجوني في فطور رمضان لان فرشي جديد 😔
    اول ماجددت غرفة اولادي جوني زياره وتخيلي اطفالهم قلبوا غرفة اولادي قسما بالله حتى الستاير خربوها والكراسي مااسمع الا اصواتها يخبطون فيها كل شوي بمكان وينطوا ع الاسره وحاسوا الالعاب وكل شوي يجيني ولدي يشتكي منهم واقوم اخاصمهم وارجع وكأني اقول زيدوا والام جالسه فمة البرود وفي الاخير قلت لهم لو سمحتوا كلموا اولادكم وقامت جابت واحد من اولادها وجلس عندها دقيقتين ورجع يحوس مع اخوه
    وانا والله بالي معاهم ماادري عن سوالف الحريم وفي الاخير ناديت الشغاله وقلت روحي عندهم بالغرفه واللي يسوي غلط اضربيه والام لازالت ساكته مدري برود او تعبت في اولادها
    كان نفسي اسوي جدار حائط في غرف الضيوف بس وررربي لما تذكرت اولادهم بطلت 😀😀 قلت بويا لي وللزمن اذا توسخت تتنظف ولو رموا شي عليها ماتنشق


    هههههههههههههه تكلمت كثير موضوعك جاء ع الجرح
  4. الله يصلحهم بس
    والله اكره هذاا البرود في الام .موبس في البيت.حتى لو في مكان عام ولا مستشفي عيالها يحوسو ولا يلعبو وهي والجدار واحد
  5. @molmh_bthkryaty

    ي كثرهم انا اكرهه الحركه هده أقوم واجلس الدنياء لا شفت ناس من هالنوعيه وربي عيييييب ف بيتك سوي اللي تبين بس ببيتالناس احترمي نفسك ومن الذوق انك تهاوشي وبنتك وتنظفئ وسختهها

تابعي تجارب أخرى من هذا القسم.