من اللي بيحس فينا؟؟؟

السلام عليكم ورحمة الله وبركاته
مبارك عليكم الشهر والله يتقبل منا الصيام والقيام
بنات موضوعي هذا يخص كل بنت وخصوصا المتزوجات
انا من بداية رمضان بس يومين بس باقي لي عن الجنون شعره
اعصابي مرررررره مررره تعبانه ماتحمل اي ضغط من اطفالي وبنتي الله يهديها هي مستفزه وبس تصيح 24 ساعه صياح احيان بس تصيح ولاتقول وش تبغى ؟😤وطلبات ماتخلص عمرها 3 سنوات
انا تعبانه من شغل رمضان طول اليوم من اصحى ادخل المطبخ وشغل واطفالي صغار 3 سنوات ولد سنه ونص
وصياح لاني مو عندهم والمطبخ اخاف ادخلهم ينكب عليهم شي
وكل شوي رايحه جايه لهم اترك اللقيمات واروح اشوفهم وارجع مسرعه لوبس الشغل نص مصيبه ولما افطر واخلص تبدا المرحله ال2.تنظيف المطبخ والله اني اكتب الحين ورجولي متنفخه من تحت من كثر المشي
وماخلص من الشغل الا قريب العشاء بس شغل اطفالي مستمر والله ابرتاح نص ساعه مايخلوني من اتمدد الي يبي حليب والي تغيير😢
وزوجي سالني عن السحور
وانا صراحه عجزت اتحمل قلت مايمدي اخلص من الفطور وحوسته وارتاح تبغاني اروح اطبخ مره 2 لاوالله يكفيني الطبخخ والاطفال وقلت له ان رمضان عباده وانه حرام عليه يشغلني طول اليوم بالمطبخ واني انتظر رمضان عشان اصلي وادعي
المهم رفضت صرت اسخن شوربة الفطور وناكل مع خبز بالسحور مع لبن وعصير
ومع ذلك مارتحت بسبب وقفة الفطور والاطفال رجولي منتفخات احس بجمر داخل رجولي اروح اغسلهن بماء ومانفع قعدت ابكي من الالم
والبارح قررت ارحم نفسي واعطي نفسي فترات اجازه لان ضغط ع نفسيتي وع نفسية بنتي صرت اضربها وماتحمل شي
الاجازه هي اسمها
اجازة المعجنات
خطتي ييوم اسوي شوربه ولقيمات وخلاص بعده ماسوي لقيمات اسوي شوربه ومكرونه
يعني يوم يكون شوربه وصنف واحد من المعجنات
واليوم الثاني شوربه مع طبخه بس


بنات ارحمن انفسكن ترى رمضان للعباده مو للطبخ والرجال مايستاهلون والله مهما كان طيب لابد بيوم يغلط وينسى كل شي سويتيه واخرتها لو صارربينكم شي وتفرقتو لاسمح الله اول عذر لهم ماتطببخ!!!


والله الي عندها اطفال صعب مررره تطبخ مرتين او انها تسوي يوميا معجنات
ارحمي نفسك دلعيها ريحيها داريها لانها حق عليك


اجازة المعجنات طبقنها يابنات


والي تسوي معجنات البيتزا في عجينه جاهزه بس تحطي خلطه والخلطه تجيجاهزه بعد
والمطبق في عجينه جاهزه
والي تسوي فطاير سويهن بالليل ولابردن حطيهن بالثلاجه تحت و2 يوم بس تسخين من فوق ومو لازم تعلمين زوجك انك من البارح مسويتها ومجربه وكانها جديده


والله احس بالغبنه ع حالنا يالحريم كد وكرف وتعب مع الاطفال ولاحد حاس فينا
هرجت واجد من الغبنه والله بس ابي افضفض وابي ارائكن بخصوص هالموضوع ربي ماقال برمضان سون معجنات وانشغلن بهن طول النهار وحنا طول السنه فاضيات !!!!قال نصوم ونتقرب له اكثر لان الاعمال مضاعفه برمضان
لاتقولن نسوي اجر تفطير صائم
اي نسوي تفطير صائم للاجر بس بشي معقول مو كل النهار بالمطبخ بساعتين نسوي طبختين ونخلص وخلاص او ساعه ونص وبس


ودعواتكن لي بالشفاء العاجل