تجمع التباشير السابع لأمهات مواليد مايـــ...5...ـــو &يونيـــ....6...ــــو

ما شاء الله تبارك الرحمن
الف الف مبروك و الحمدلله على سلامتك
و سلامه البيبي وش جبتي 😍

و نبغااا الأكشن 😍

وين المعلومة هذي عني من زمان
كيف طريقتك فيه ورد الجوري
مطحون ولا عادي
أغليه ولا انقعه
قولي لي 😭😭

أم اصيل طلع البلا بالبريد مو بالاسم 😩😩😩لان بريدي محجوز عندهم لاني مرة مسجلة وطلبت حذف الحساب وعلى طول سجلت من جديد ومن اول محاولة ضبط معي🎈🎊🎉...ارسلت لك دعو

كلمت زوجي يجيب بعد م شفت رد غنج
قلت له ب اطفح منه من الفطور للسحور
😂😂😂😂🌚
و ان شاء الله يجيب نتيجة طيبه 😢

بسم الله الرحمن الرحيم
السلام عليكم ي امهااات
بماني فاضيه بسولف عليكم 😰
تخبروني مستعجله على الولاده حييل لنه لي تجربه قبل مع طفله كان فيها عيوب خلقيه الله يشفع فيها يارب وبالعيد هذا اكمل اربع سنوات زواج يعني اهلي واهل زوجي كلن متشفق على اللي ببطني وانا بس ودي اطلعه ويقولي الدكتور خوذي ولدك سليم يااربي متت من الوسوسه والتفكير لنه التجربه اللي قبل كانت صعبه 💔 علشان كذا انا مستعجله ...
<<قلت لكم قصة حياتي 🌚
من اول مادخل التاسع اشرب قرفه وزنجبيل وبعد ماكملت اسبوع رحت للدكتوره يوم الخميس بشوف *****الله فاتح رحت لقته فاتح واحد سم سوتلي تحريض قلت مابي اشرب قرفه 😖 ابي امشي وامشي كل يوم ساعه يوم الاحد رحت للمستشفى اللي ابي اولد فيه قلت بشوف فاتح الرحم او لا لقته بس واحد ونص وانا اتحطم زيااده كل هالمغص بس نص😭
وانا ازعل قلت خلاص مابي امشي واجيب عصير اناناس من المعصره واشرب كل يوم 3 اكواب يوم الاثنين والثلاثاء
الاربعاء الساعه 7 ونص الصبح وانا نايمه قمت حسيت برطوبه قلت يالله مثل العاده افرازات رحت الحمام ورجعت ويبداء معي مغص واقول الحين يفك كالعاده ورايح جايه للحمام الا الموياء تزيد بس مامعه دم قلت لاماهي موياء الراس <<مستبعده الولاده ههههه😂
وابداء احسب بين كل طلقه والثانيه الا اكثر من ربع ساعه
اخذت دش صاخن وصبررت الين صارت الساعه 11و45 دقيقه واصحي زوجي على المستشفى <<من قبل رمضان وهو يهدد ماولد النهار يقول حرر من بيطلع ههههههه
دخلت عليه الا الرحم فاتح 5 سم على الكشك على طول تقريبن الساعه 12وربع ركبو المغذي وسحب التحاليل الا خلاص هذا الولاده واجلس اصاارخ وهم يهاوشوني سكري افمك وادفعي وانا اقوله بكيفي يوجع هههه واقوله سوي توسيع وهي تقول يالله شوي ويطلع وانا اقوله ابي توسسيع شقيه هههههههه
والحمدالله طلع ولدي على الدنيا بحدود الساعه وحده وربع الظهر
وخلوني ماخيطوني لنه صار معي نزيف شوي ووقف الحمدالله
وخيطوني وخلاصت بحدود الساعه2 الظهر
طلعت على الترقيد الساعه 12 بالليل طلعت على مسئوليتي
المستشفى بررررد اقولهم قصرو على التكيفف قالو مايقصر ولدي يرجف من البرد وجالس يعطس وانا خفت يمرض قلت يالله بس البيت واخذ قشي واطلع
اعطوني موعد مع الاستشاري 18رمضان اشعه اليكو على القلب والتحاليل << ادعولي يطلع ولدي سليم وربي يجبر كسر قلبي
المهم اني ماني مصدقه اني ولدت بالسلامه بس طايره عيوني فيه
الحمدالله الحمدالله الحمدالله على النعمه
ربي لايحرم احد من لذتها
انتهى ... ❤