تجمع التباشير السابع لأمهات مواليد مايـــ...5...ـــو &يونيـــ....6...ــــو

صادقه من جد جمييييله 😍😍
و المهاد رووعه بنتي ترتااح فيه
وتطول فنومتها مره بططل👌👌

صباح الخير


مبارك عليكم الشهر
واشكر كل من بارك لي
ومبروك للي ولدو
انشغلت تعب النفاس وسهر مع غيث
مزعج بس يبي الحضن
هذا اكشن ولادتي
الحمدلله ولدت يوم الجمعه الساعه 6
بتاريخ 27
تعبت حيل المغص والتحجر معي
ولا في بوادر ولاده امشي
واشرب من الاعشاب ومافي شي
وقلت مافي الا الجماع
وحصل وبعده المغص مستمر
معي ونمت الفجر
وصحيت من التحجر
واحس شي نازل وادخل الحمام الا
الله يكرمكم افراز لزج
وبه دم عرفت انه يوم ولادتي
متعوده بولادتي اني اشوف الدم واولد بنفس اليوم
واروح اكلم زوجي
ياخذني للبيت كنت عند اهلي
ماابي احد يحس علي
وصلت البيت 11
ومن جيت سخنت زيت زيتون
وحطيت معه حبه سوده ودهنت
بطني ولبست فوطه وحطيت عليها حلتيته وسويت حليب به قرفه وهيلً وشوي
زيت سمسم وعسل واكلت
معهه تمرً والا الطلق يزود
وانا ودي انام شوي ومااروح
الا العصر بس خفت ليكون فاتح
معي وتجي ولاده لاني متعوده مااروح ولا افحص الا مره وحده وتكون خلص
ولاده وصار الطلق يجي
كل خمس دقايق وغسلت
جسمي بمي حار وزاد الوجع
الحمدلله مسكت نفسي
مصحت طبقت شمي ورده وطفي شمعه
وكنت مجهزه كف مريم
اشربه بس خفت اولد وبسرعه
رحت للمستشفي
والحمدلله كنت ادعي ربي
ان بوقت ولادتي ان الطاقم الطبي
يكون زين ومافي ممرضات سعوديات
وربي حقق لي ماابي
ومن دخلت اخذتني
دكتوره وحطتني ع السرير
وفحصت الا فاتح 6 سانتي
قالت خلص ولاده
وللحين انا بدون صوت
اتنفس بوقت الطلقه
وادعي ربي وبس علي لساني
اللهم أسألك حسن الخلق وهون الطلق
واكثر دعاء كنت ادعي به هو
‎اللهم اجعل ولادتي بردا وسلاما علي كما جعلت النار بردا وسلاما على ابراهيم
وقبل الثلاث بشوي حطوني علئ سرير الولاده
خلص فتح 7 والطلق حامي
وجهزتني الممرضه
وفحصت الدكتوره وشوي فتحت ميه الراس وقالت خلص ولاده
اذ جت الطلقه ادفعي
وجت اربع وخمس وانا
مولدت والطلق خف
والطفل مرتفع وبدا يتعب والطلق صار بارد وضعيف واستدعو الدكتور الاستشاري
وحاولو كم مره عشان يطلع الراس بس
الطلق يضعف
وانا خلص تعبت وفقدت
الامل اني اولد
الدكاتره عندي
ويتكلمون بينهم وعيونهم لجهاز
الطلق مدري وش السالفه
الا الممرضه جت غيري ملابس
قلت ليش ماابي اغير قالت لازم غيار
عرفت انه لبس القيصريه
وحطت لي ابر وحلقت بطني
وجا الدكتور مصري
قال راح نجهزك قيصري
الطفل تعب والطلق اختفئ
وانتي خلص ولاده
ونحاول اخر محاوله اذ
منزل خلص قيصري
والحمدلله علئ كل حال
بوقتها اهم شي عندي
ولدي واني اشوفه بخير
وسلامه قلت خلص
واستودعت الله نفسي وطفلي
ومستمره بالدعاء
وجا الفرج من ربي
قالت الدكتوره ادفعي مره ودفعت
بااقوئ معندي
وقالت خلص هذا الراس قريب ادفعي
وكانو عندي ثلاث دكاتره
والممرضات وكلهم علي
ويضغطون علي بطني وانا ادفع
الا الحمدلله طلع ولدي
ولدت الساعه ست المغرب
والحمدلله اني ولدت طبيعي
وضليت اردد كلمه الحمدلله
وبشرت زوجي وقلت يكلم امي ويبشرها
وخيطوني كم غرزه
وغطتني الممرضه ونمت بعده
كانت اصعب ولاده مرت علي
وللحين معرفت ليش الطلق اختفئ معي
وتعامل الممرضات والدكتوره
هون علي كلهن هنديات
ميخلن المريض ويهتمن
ويراقبن المغذي ولا خوفني
حتئ لم جهزني
للقيصري مقالن لي
عشان مااخاف
اعذروني بنات كلامي طويل ومو مرتب
للحين احس اني مااستوعبت اني ولدت
من التعب الي شفتته
وماابي انسئ شي
والحلتيه اول مره اجربها وصحيح تفتح الرحم لان مننه زاد الوجع
والنفاس برمضان ميصلح
مااحد يجي زيارات
ونفاسي اول مره ببيتي الحمدلله اريح لي ولعيالي
وامي الله يخليها لي جت عندي
تجلس عندي العشر الايام الاولئ

الحمدلله اشتريت مجموعة سيباميد ومهاد مذركير مع ان المهاد أحسه حار بهذا الوقت فرحانة بأغراض بنتي
بس بنتي مو راضية تجي 😭

أنا كمان أبغا البن حقك ام اصيل
الله يسعدك انتي أول من جمعنا هنا وكمان تجمعينا ف الببي ❤❤

امين يارب 🌹🙏🏻