تجمع الأمل (93) للمقدمات على عملية أطفال الأنابيب والمنتظرات نتيجة التحليل

السلام عليكم ورحمة الله وبركاته
انا عضوه جديده معكم متابعه لكم بصمت اليوم سجلت حتى اشارككم وتشاركوني ونستفيد من بعض

الف مبروك لكل الحوامل وربي يرزق كل محرومه بالذريه الصالحه


انا يا أخوات الحمد لله كل اموري تمام وفحوصات زوجي وفحوصاتي سليمه بس ما في سبب لتأخر الحمل لذلك سوينا انابيب سويت اول محاوله لعملية الانابيب بالسنه الماضيه عند الدكتور مجدي الشيخ وكان ليا عشر سنين ما حملت ولا مره وعمري 28 سنه المهم تمت اموري بخير سحبو مني عدد طيب من البويضات وتلحقو 13 رجعولي اثنين والباقي جمدته كانت فترة الانتظار اصعب فتره باليوم التاسع من الترجيع استعجلت وسويت تحليل دم وكانت النتيجة سلبيه وبعد 14 يوم رحت سويت تحليل مره ثانيه وطلع حمل الحمدلله كانت فرحتنا لا توصف فرحنا فيه فرحه مجنونه كل اللي مارين من المستشفى سمعو صراخي وصياحي انا وزوجي من الفرحه استمر حملي لشهر السادس وحصلت ولاده مبكره وعاش ولدي يوم بالعنايه وبعدها توفى وربي يعوضنا خير تعبت تعب نفسي لا يوصف انكسرت جرح جرح جرح اشوف ولدي بعد سنين ويموت الحمدلله على قضائه بعد سنه وبعد الحاح شديد من زوجي لترجيع الاجنه وافقت ورحت قبل ثلاث شهور و رجعت اربعه اجنه مجمدين عند مجدي الشيخ وفشلت وماصار حمل كانت نفسيتي جدا تعبانه وبرضو الدكتور ما عطاني ولا مثبت استغربت جدا اعطاني بس حبوب كليمين فقط المهم قررنا نرجع الاجنه الباقين والبارح رجعت واليوم ثاني يوم لي من الترجيع وربي يكتب لي ولك المناظرات الذريه الصالحه ياارب

الله يثبت الاجنه وتفرحي بحملك يارب انتي وكل البنات اللي ينتظروا

بنات حبيت اسألكم واللي عندها فكره ياليت تجاوبني انا لما رجعت سألت الدكتور كم جنين رجع قلي اثنين وكلهم ممتازين واحد خمس خلايا والثاني ست خلايا... انا ما فهمت كيف خمس خلايا وست خلايا وهل يفرق مع العمليه بنجاحها او فشلها

امييين الله يجزاك خير يارب