أقسم بالله أني تفشلت من زوجي

السلام عليكم ورحمة الله وبركاته
لي شهر اطيح بنفس الموقف ولا همني هالمره طحت فيه مع زوجي والله من الفشايل وربي تمنيت الأرض تنشق وتبلعني والله تمنيت اني اختفيت :( قبل اسبوع كنت جالسه مع اخوي نتغدا سو الا وامد يدي اكل كان يموت من الضحك وش ذا اليد ورب النعمه يد ضب

واليوم مديت يدي بأكل مع زوجي الا يطالع بيدي قال انتي حاطه خلطه على يدك روحي غسليها شكلك ناسيتها ورب النعمه قالها صادق :( والله لا خلطه ولا شيء هذا الرجيم هذا الي سواه فيني والله اطالع بيدي وتصير فيني كآبه الحمدلله تعرفون ايش صار فيها من الرجيم ! صار فيها تجاعيد وسمرت ولا لها نضاره ومليانه عروق ياااااااربي افكر احط ابر كولاجين في ايدي الناس تنفخ خدود وانا بأنفخ هاليدين امكن تتعدل بنات الله يوفقها ويسهل امورها ويفرج همها ياااااارب اللي تدلني على حل اي حل ابي حل تكفووووووون:(

19 تعليق 3,892 مشاهدة

شاركي في النقاش

سجلي الدخول لإضافة تعليق.

التعليقات

17
  1. @bkaya_groh_1

    العروق تطلع من كثر استعمال المبيضات ..... او ربما النحافه الشديده

    السمار مو مشكله .. المشكله في بهتان اللون...

    دائما رطبي يدينك لاتخلينها جافه......

    واستعملي الجلسرين..
  2. @dmoaa_alsnyn11

    حبيبتي انا بسم الله علي دبه زايده 30 كيلو ومع ذلك يديني الاصابع مليانه شوي لكن خلف الكف هذي كلهااا عرووووووق والله كنها يد وحده نحييييييفه عصقوله :(
    لكن الحمدلله قدرت احارب السمار خصوصا اللي بالاصابع وكذلك ظهر كف اليد تقدرين تفتحين لون البشره وتطلع كنها رويانه استعملي كريم الجليسرين انتبهي الجليسرين وليس الجليسوليد...
    اخلطي معاه بضع قطرات من الليمون ودهني فيه اليد..بعد كل وضوء...
    والله تحسين بالتغيير..
    وادعي لي

تابعي تجارب أخرى من هذا القسم.