سبق وكتبت انو اول ولادتين الي طبيعي والثالثة قيصري والسبب انو توام بالعرض
وعدا هالعملية سنتين مافي شكوى منها ولا اي شي الحمد لله
يوم الجمعة بعد التراويح وانا عّم جهز أغراض على أساس روح حديقة امشي
ومنها لعب لأولاد وطبعا داخلة لأسبوع أربعين والبيبي متوجه وكل شي طبيعي
المهم حسّيت بوجع الطلق بس ابدا مو حار محمول بس يلي خوفني كان مصحوب
بوجع بالمهبل وكأنو سكين مغروسة وتتحرك ولمعة قوية متل الكهربا أسفل البطن
حكيت لزوجي انو عندي طلق بس مو طلق ولادة بس الغريب الوجع من أسفل
أنا توقعت الرحم يفتح ويتهيئ للولادة زوجي اصر نمر الطوارئ ونفحص
وفعلا رحت ودخلت عند الدكتورة كانت الساعة 11ونص بليل وحكيتلها عالوجع
طلبت تفحصني نسائي وافقت وطلع مفتوح واحد سانتي بس بدون ما تسألني وسعت
وبس سحبت أيدها طلع مي مخلوط بدم بمجرد ما نزلت من السرير حسّيت الوجع يلي أسفل
البطن زاد بس بدون طلق يعني وجع مستمر بالأسفل طلبت منها تشوف بطني وعمليتي السابقة
وبكل استهتار ضغطت بقوة والله صرخت صوت الله لا يوريكم نزلت وحاولت وقف ما اقدر سندني
زوجي وحكيتله شو عملت الدكتورة وانو الوجع زاد ما بعرف شو قعدت تكبس عالكمبيوتر ومطنشتنا شي ساعة
وانا من قوة الوجع ماعدا اقدر أوقف وجبلي زوجي كرسي وهَيِّئ الدكتورة الله لا يسامحها تقولي كل ده وجع
إنتي ما عندكيش طلق بس شافت زوجي عَصّب ورايح لإدارة نادت علينا وحولتني على القسم فوق على أساس
يشوفو الوجع أسفل بطني من إِيش طلعت القسم فوق عالعربية ومنعو زوجي يدخل مشان لأولاد وانا بهل وقت
يلي طنشتني بلش في طلق حار وبس تجي الطلقة حس المنطقة تحت رح تنفجر لدرجه صرت اصرخ ونسيت يلي حوالي
دخلوني غرفة وبدلولي الممرضات بسرعة وطلعت على سرير الولادة واجت دكتورة المناوبة وحكيتلها وجعي بسرعة ودموعي
وصراخي سابقتني سألتني الوجع بالقيصرية بس وقت الطلق ولا دائم طبعا قلتلها دائم وهوه سبب جيتي عالطوارئ
بس راحت الطلقة مسكت الدكتورة قيصرتي وشافتني صرخت بشكل هستيري بس ما همها اصرت تكشف نسائي
وبس كشفت طلع مفتوح فل عشرة سانتي بس لِسَّه البيبي مو نازل طلعت ونادت لثلاث دكتورات يشوفوني الله
لا يسامحها هي وياهن وجلسو وانا عّم اتقطع من الوجع يقولولي حوضك كويس وفاتح فل ورح تولدي طبيعي
وانا قلتلها ما بقدر العملية عّم توجعني شلون بدّي ادفع المهم طنشوني وتركوني اتقلب واتلوى من الوجع وكل ما كان تجي الطلقة
والله روحي تطلع مو من الطلق من الضغط أسفل البطن وبعد تقريبا ساعة بلشت حس بالدفع وزاد زاد الوجع وكنت أمسك اسفل
البطن مسكوني الممرضات والدكتورات حكولي يلا يا شاطرة البيبي خلاص بيطلع وحرام نفتح بطنك وانتي فاتحة فل اول طلقة والتانية
دفعت بقوة غصبا عني بدّي ارتاح طلع راس البيبي والطبقة الثالثة نفتحت عمليتي القيصريةقبل خروج البيبي الله رحمه وكان تقريبا نصفه
برى ولا كان اختنق جوه بعد فتح العملية أنا ماعدا وعيت عالدنيا اسمعهن بس مو بوعي وشوفهم عّم يركضو ونادو دكتور تخدير
وزوجي دخلوه وطلبو منو يوقع على ورق وهوه ما بيعرف شو صاير رفض يوقع وقرب عندي وشاف أني ولدت بس تقريبا ميته
مافي اي حركة بس عيوني تتحرك نقلوني غرفه العمليات والدكتور حكى لزوجي انو عمليتي فتحت ولازم بسرعة يوقع ليسكروها
بس اذا ما قدرو يصيطرو على النزيف بالبطن رح يستاصلو الرحم وبس شافني زوجي وضعي صعب وقع وقلهن بس تطلع بخير
ولكل حادث حديث خلال دقائق خدروني ودخلت العمليات تقريبا3طلعت سته الصبح وما ودوني غرفتي لساعة 8 وطبعا الدكتورة
ماعاد شفت وجها وتقريبا كل دكاترة النسائية مرو عندي ويفحصوني والرئيس قسم الطوارى مر علي وشاف زوجي مارح يسكت
علاهمال ويلّي صار في مو قليل وطلب منو انو يهدأ ويعتبر أني ولدت قيصري ويحمد الله أني عايشة ويلّي بيقهر ليوم مرت نفس الدكتورة
وصارت تبرر يلي صار على أساس انو بس وحدة من بين 250بتفتح عمليتها اثناء الولادة وانو هي لمصلحتي حبت تولدني طبيعي
وباست راسي وقالتلي والله بس طلعتي من العمليات سجدت شكر
دمي بسبب النزيف طلع سته ونص وطلبو من زوجي يجيب متبرعين بكل عين قوية ونقلولي دم صار تسعه الحمدلله
وحاطين خرطوم بطني لدم والمي لأنو نتفخ حسبي الله عليهم بس ابني بخير الف حمد وشكر
المهم أنا مارح اسكتلهن ليوم زوجي كلم وكيل وزارة شوؤون المرضى ورح نرفع دعوة عليهن
قلتلكن رح اختصر بس من القهر يلي فيني حكيت كل شي صار
وأخيرا يا بنات والله مو قصدي خوفكم من الطبيعي بالعكس أنا بدّي أولد طبيعي بس رب العالمين ما أراد
وحسيت بداية فتح العملية وكان المفروض يولدوني بسرعة قبل ما تفتح سلمت امري لله حسبي الله ونعم الوكيل
تجمع التباشير السابع لأمهات مواليد مايـــ...5...ـــو &يونيـــ....6...ــــو
متابعة النقاش، صفحة 248