طبعا زي مانتم عارفين نفسيتي تحطمت كنت متوقعة اولد بدري
على حسابي 5 رمضان ولادتي وعلى حساب الدكتورة 8 وانا تعبت نفسيا وجسديا وكل يوم امشي ومافي اي بوادر ولادة
ويوم 8 جبت زعفران وسويت قهوة بالزعفران وجلست اشرب منها وبعدها زوجي جاب لي موكا بالقرفة وشربتها ولافي اي بوادر الصباح صمت يوم تسعة وجلست اسوي قرفصاء وامشي وادعي بالبيت الحيت بالدعاء وحسيت بداية طلوق باردة لكن توقعت ولادتي بعد كم يوم وجا العصر شدت الطلوق لكن برضو احسها متباعدة المغرب فطرت لوحدي وزوجي راح عند اخوه وبعد الفطور على طول رحت الطوارئ خفت انتظر للتراويح ويصير زحمة كشفو علي لقوه 2 سم
وقالتلي ماننومك روحي امشي او روحي البيت وأروح ع بيت اهلي لأنهم قريب من المستشفى ووجهي عندهم باين تعبانة كان نفسي ماترافق معي امي واخليها مفاجأة لكن قدر الله وماشاء فعل واتقهوى وانا أتألم وامشي وعرفو ان معي ولادة
والساعة وحدة ماقدرت أتحمل رحت انا وامي عالطواريء وأول ماكشفت لقوه ستة سم وكل ماجات طلقة اخذ نفس عميق وصراحة ساعدني التنفس هنا وبعد ثواني سبعة وطلّعوني عالكشك وكشفوا ثمنية وصراحة تعبت من الكشفيات 😢😭
وشوية تجي ساعة الجد ركبوني عالسرير وأنسى كل شي تعلمته
تقنية التنفس نسيتها وفكت لي المويا وخلاص صرت احس بالدفع وسوتلي القابلة حركة غريبة سدحتني ع جنب وتقول دفي وانا ع جنبي وجا الدكتور يطالع قال كذا كويس
لان الرأس بعيدة 😐 وادف كل ماحسيت بدفع وآخر لحظة قلبتني ع ظهري وصارت تقول يالله انا اشوف الراس وادف بأقوى ماعندي وطلعت بنتي وبعدها طلعت المشيمة
وقت طلوع المشيمة حسيتها كأنها ولادة ثانية لان معاها طلوق ودفع وغير كذا بعد ماطلعت المشيمة جلست تنضفني من البقايا 😪 تألمت وتعبت الحمدلله ع كل حال ومأجورين ان شاء الله
ولا وسعت لي تركت البنت توسع نفسها وصار الشق قريب من فتحة الشرج 😪😭 وخيطتني بس تعبت تعبت بما فيه الكلمة من معنى
والحمدلله دائما وأبدا
تجمع التباشير السابع لأمهات مواليد مايـــ...5...ـــو &يونيـــ....6...ــــو
متابعة النقاش، صفحة 291