❤❤تباشيــــر مواليد الأهله ( رمضان والعيــد وشوال) يوليو و اغسطس❤❤

هيه صح ..
اذكر بنت عمي بيتها قصر ماشاء الله 3ادوار وكل ركن تحفه فنية
و6سنوات هم عمالين يبنوه
اول مادخلنا كانت تفتح الاضاءات كلها وتخبرنا عادي اذا بتصورون

اليوم رحت موعدي في مستشفى الوﻻدة الحمدلله الدكتور اول ماحط السونار سالني انتي متاكدة من تاريخ دورتك قلت له ايه متاكده قال حجم الجنين زين الحمدلله وقلت له على الحكة اللي بجسمي كتب لي ملطف وحبوب الحساسيه وبعدين قالي انتي دخلتي التاسع ورجع قال تدخلينه تاريخ 17 شككني مدري ليه وعطاني موعد تاريخ 24رمضان بس ماني رايحه اليوم تعبت حر الطريق الله يرحمنا برحمته وقالي سوي تحليل وسويته وقال يمكن الحكة التهاب عندي او جرثومه خرعني قلت له ان بعيالي دايم تجيني الحكة عادي وتختفي

مايصورون عيال خواتهم يمكن خايفين من ابو الولد كونهم مايمونون عليه...لكن انتي اكيد يمونون عليك وعلى اخوهم....بس انتي اذا جو لااتكشخين طفلك خليه مبهذل اقلها تطلع الصورة شينه😆....

ماراح تقدرين الا عن طريق زوجك هو يكلم خواته....

السناب ترا صار مره تشك وانشر ...وبنات هالايام يشوفونه عااادي وش فيها ..وتشيل بخاطرها ....غير عن ايامنا ..مفهمينا اهلي اننا ما نصور اي احد...

الله يهون علينا وعليك..

فيتامين د....الطبيعيومن 20 الى 30...انا طالع عندي 6...

وعطتني شهرين اشرب من العلبه الصغيره المره....مرتين في الاسبوع يعني في الشهر 8 علب....ما اقول لك انتظمت لكن اخذت هالمحلول ...ياربي ترحمنا مخيس طعمه....والحمد لله ..ونقص الكالسيوم من نفس نقض د....مرتبطين في بعض....حتى اذا بتحلليل ..تحلليل ثنينهم او تتركينهم كلهم....

خذي العلبه الصغيره البنيه قيمتها حول 10 ريال..والله يعينك

الله يهون عليكم يالتواسع ويهون علينا كلنا يارب ❤️ ننتظر تباشيركم




بنات رحت امس موعدي وضاق صدري تقول الراس فوق قلت لها في احتمال ينزل قالت احتمال ضعيف 💔 وامي تقول مستحيل لاني بكر تقول ماينزل لان المكان ضيق 😢 انا بالاسبوع 32 بالسونار وبحساب الدوره 33


شرايكم بنات اسوي شي احبي وكذا ولا خطير يلتف الحبل السري
ومن كانت بكر ونزل جنينها تحت وهي بالثامن والله ضاق صدري ماودي بقيصري بس الحمد لله الذي جعل له مخرجا
وبسألكم بنات انا بحساب السونار 32 يعني متى ادخل التاسع وكم لي بالثامن الدكتوره كل مره تعطيني موعد بعيد لان السونار يأخرني