تجمع الأمل (93) للمقدمات على عملية أطفال الأنابيب والمنتظرات نتيجة التحليل

بنات بسألكم عل الاجسام المضادة تجي للوحدة الي قد حملت ..؟
انا قبل لا احمل اذكر عملته وقالت سليمة .وجلست كم سنة وحملت ببنتي وتاخرت خمس سنوات بدون اعمل التحليل ..وبعدين حملت بولدي والحين مع كل التنشطات الي سويتها ابدا ما عملت التحليل ولا طلبوه مني حتى الدكتور مازن ما طلبه قبل اسوي التلقيح.

الحمدلله يارب التحليل طلع فيه نسبة حمل ضعيفه ياربي لك الحمدوالشكر حتى ترضى ولك الحمد والشكر اذا رضيت وبعد الرضى
دعواتكم ربي يثبت اجنتي كما ثبت الجبال الراسيات ويتمم لي ولاخواتي تسعة اشهر من غير زيادة ولانقصان
ومايفجعني فيه ياكريم

تخيلوا بناات اللي صار
من بعد ما تلفت اعصابي وانا انتظر المنسقه تكلمني عشان تعطيني النتيجه صرت ادق على الرقم بشكل متواصل ويطلع الخط مشغول قمت طلبت تحويلة المختبر وكلمتني فلبينيه وانا اكلمها يدي تنتفض حسيت قلبي بيطلع من جوا صدري وجسمي عرق وثلجت اصابيع يدي وهي تسمع صوتي ينتفض مو قادره اسحب نفس اللهم لاتكلنا الى انفسنا طرفه عين اااه ياشين هالمواقف المهم قلبها قاااسي حجر كل شوي تقولي شوياااا مااادااام وتروح تتركني ع الخط وانا اغلي تماما نشف دمي معد فيني عرق ينبض
وبالاخير صرخت عليها وانا ابكي انتي مافي خووف من الله قولي النتيجه انا بموت وانتي تماطلين فيني قالت نو مااادام مافي حاااااميل سوري 💔💔💔💔اه اه هنا تركت جوالي جنبي ورفعت راسي للسماء وقلت الحمدلله على كل حال
آآآآآه يابنات من قسوة قلوب بعض البشر💔تذبح قام زوجي شال الجوال وقام يرطن معاها بالانجلش وانا بعالم ثاني😫😭كان ودي تنشق السماء واطلع فووووق فووق اهم شي اختفي
المهم زوجي قفل منها واتصل على المنسقه وسبحان ربي ردت عليه واسمع كلامه وانا بدوامه كني بجوف البحر
قال لها يعني كيف ؟؟ في حمل؟؟ طيب متى تعيد التحليل؟؟ طيب يحتاج نجي للمستشفى؟؟ وووو
هنا انا فجأه نط فيني عرق اللقافه هههههه وطبيت جنبه واطل بوجهه والاقيه يبتسم لي ياااااااه يازين هذي اللحظه هههههه واقعد اصااارخ انا حامل وهو يهز راسه يعني ايوووا 😂😂😂😂
المهم واخذ من يده الجوال وانا اشاهق وابكي وتقعد المنسقه تسمي علي وتهدي فيني وتقولي فينك من مده ندق عليك والرقم غلط صرت غلطانه بالرقم اللي اعطيتهم اياه وانا اشاهق وابكي وقالت لي نسبة التحليل منخفضه لازم تعيدين التحليل وتزيدين المثبتات ووو قامت تعطيني النصايح قمت على حيلي ووقفت ههههه قلت لها لحظظظه لحظظه اول شي قولي لي مبروووك حامل هالكلمتين اتمنى اسمعهم طول عمري قامت تضحك هههههههه وقالت مبروووووووووك انتي حامل بس حملك مهدد مدري ايش قلت لاتخربين الفرحه خليني مبسوطه وسجدت لربي شكر وكملت نياح لين صفى راسي تمنيت اشنق الفلبينيه اللي خرعتني وبعدين نمت ههههههه والحين صحيت بعد الشروق وصليت ودعيت ربي يتمم حملي ولو قالوا انه ضعيف ربي قادر انه يتممم علي وينول كل مسلمه فرحة الحمل ودعيت ل كزكز وبشر الصابرين وكل البنات انه يرزقهم الذرية الصالحه ويقر عيوننا بشوفة ذريتنا انه ولي ذلك والقادر عليه
هذا اكشني اللي صار بس حبيت اشارككم بمشاعري عشان تدعون لي ربي يتمم لي ويخيب كلام الاطباء وسواء كمل الحمل او لا انه يرزقني الرضا بالقضاء والقدر انه ولي ذلك والقادر عليه

الله يتمم حملك يارب
ويتمم فرحتك

الف الف مبروك والله يثبت اجنتك والله يتمم لك علي خير وخلي املك في ربي كبير وربي قادر علي كل شي