تجمع الأمل (93) للمقدمات على عملية أطفال الأنابيب والمنتظرات نتيجة التحليل

انا جربت الاثنين ..
بنون عندهم الدكتور عبدالعزيز الشهراني واتوقع هو افضل طبيب في المركز مثل ماقلت لك قبل المركز مريح والدكتور بعد وترا الدكتور عبدالعزيز اول طبيب عمل عملية الانابيب في الشرق الاوسط .. الدكتور بندر ممتاز لكن مستشفى الحبيب يبي له صبر وانصحك اذا ماسويتي التحفيز قبل روحي للدكتور بندر واحجزي الموعد من الان يداوم في 5/ 10 .. واطلبي منه محلول البيض للتثبيت .. اسأل الله العظيم رب العرش الكريم ان يبشرك بالحمل التام السليم والذريه الصالحة اللي تقر عينك ..
بنات وش رايكم في مركز ذريه والدكتور الصفيان ..
لااله الا انت سبحانك اني كنت من الظالمين .. يارب فرج همي وهم خواتي في التجمع ..

توكلت على الله وفوضت امري لربي

ام التوام طبيعي الافرازات بس الزمي الراحه
يمكن تكون علامة انغراس باذن الله
لاتقلقين اغلب الي مسوين حقن مجهري ينزل منهم افرازات ماهي علامه سيئه بحكم انه يرجعون اكثر من جنين
اغلب الحوامل هنا نزل منهم وبعضهم نزل احمر دم
استودعي الله اجنتك وباذن الله ربي يكرمك

الله يطمنكم يارب ويرزقكم ماتتمنون والله جلست ابكي بس شفت الافرازات .. يارب اني استودعتك اجنتي يارب .....
يارب ياكريم اني اسالك ان تحفظ اجنتي وتتمم حملي ومن معي في هذا التجمع يارب
يارب اني توكلت عليك وفوضت امري اليك لاملجأ ولا منجا منك الا اليك يارب ...

انا رحت عشان الدكتور نشأت العساف
لأن صديقتي حالة زوجها نفس حالة زوجي والدكتور نشأت سوى لهم العملية ونجحت وكانت رابع حالة في العالم تنجح ممتااااز جدا
وجابت بفضل الله عند الدكتور نشأت ستة أطفال بس للأسف الثلاث توائم الأخيرين توفوا بعد الولادة الله يجبر قلبها
أول عملية سواها لي الدكتور نشأت وكانت ممتازة بس انا شلت طاولة وجتني آلام فضيعة بعدها خلاص نزل الحمل
العملية الثانية والثالثة تفاجأت انه يجي يوم العملية ودكاترة مختلفين اللي معاي وكل مرة شكل وبعد فترة أتفاجأ انهم سافروا وبصراحة مش متمكنين احس هدفهم مادي وقاعدين يجربون ما ارتحت لطريقتهم ابد


انا جاية عشان الدكتور نشأت لكن مسكوه ادارة المستشفى وصار يسافر كثير مش متفرغ للمرض