طلعت من بيتي زعلانه وتركت عيالي مع ابوهم

انصحوني كيف اتصرف الله يحرم وجيهكم عن النار
اخذت نصايحكم على محمل الجد وخسرت زوجي وعيالي وتركت بيتي
قبل يومين كتبت موضوع عن زوجي وانه جبرني اخدم اخوانه وعيال عمتي
اليوم سويت نفس ماقلتولي صلحت صنفين بس وزوجي زعل مني وسبني وشتمني وقال اصلا عوايدك كذا
وانا والله الشاهد اني كنت اصلح الفطور من الصباح وانام ساعتين وارجع اكمل وكل يوم عن نفس الحال
وعلى عيالي الخمسه كرف كرف كرف مايعلم فيه الا الله
وزوجي صار يحترمني زياده ويقدرني اكثر من قبل
اخذت نصايحكم واني اقلل اصناف
وفعلا قللت والنتيجه خراب بيتي
انا ماتحملت سبه لي وكلامه لميت اغراضي واغراض عيالي الصغار بنت عمرها 3 سنين وولد عمره 8 شهور وكلمت اخوي وجاء ورحت معاه
وتركت عيالي الباقي مع ابوهم وهم صغار اكبرهم 7 سنين والثاني 6 و5 سنوات
قبل ما اطلع زوجي كان تحت عند امه وعيالي راحوا يركضون وقالوا لابوهم امي بتروح اخوها جاء
ارسلهم عندي يقولون لي بابا يقول لا تطلعين
جت بنتي 5 سنين قالت لا تطلعين قلتلها قولي لابوك بطلع بكيفي
وجاء زوجي وسألني وين بتروحين قلتله بروح بيت اهلي
طلعت من الغرفه قال لعيالي اطلعوا روحوا مع امكم قلت لا ماباخذهم معاي خلهم عندك جلست شوي وناداني قلتله خير وش تبغا قالي اذا طلعتي لا ترجعين
وانا طلعت والحين في بيت اهلي وكلمت اخوي الكبير اذا هو موجود في بيته يجي اكلمه في الموضوع


والله اني مقهوره ومحروق قلبي وزعلت من نفسي ليش اسمع كلامكم بس اخربت بيتي بنفسي
الكرف اهون من الطلاق الحين وش اسوي انصحووني
واعذروني انا متوتره واحس اني مخنوقه ماني عارفه كيف وصلت نفسي لهنا
واختي تقولي ليش ليييش تجين زعلانه انتي تعرفين ان المصلح بينكم توفى تقصد ابوي هو توفى قبل شهرين الله يرحمه ويغفر له
انصحوني يابنات كيف اتصرف انتم تعرفون مشكلتي من البدايه
انا مشلول تفكيري ومصدعه وخايفه والعبره خانقتني