طلعت من بيتي زعلانه وتركت عيالي مع ابوهم

طيب اليوم سويتي لهم فطور اقصد اللي جالسين تحت

شوفي ياساره
اناقريت موضوعك الاول وحسيت وعرفت
انك متعوده علي الكرف وعاجبك دور الشيف
الي متقمصته لان لو فيك رحمه كان رحمتي نفسسسك
لان لها حق عليك
مثل مازوجك له حق تطبخين له وهو اصلا مهب من الواجبات الشرعيه
ومثل مااهله وجماعته لهم حق تشرط بانواع الماكولات
فطور سحور
انتي لك حق الراحة... انتي جيتي تشتكين مادري وش الهدف منه
لان البنات يوم طلبو منك تعزين نفسسسك
اتهمتيهن بخراب بيتك؟؟؟؟
طيب ليه جيتي تطلبين المشوره
ليه سردتي كل رحله الشقا والعذاب في كلامك
وش كنتي تنتظرين منهم
لكن بعد رجوعك السهل عقب ماشتمك وشتمك اهلك
تحملي قرارك
ولاعاد تطلبين مشوره احد.. ولاعاد تكتبين موضوع
تشتكين منه. انا اول مره اطلب من عضوه لاعاد تكتب
لاني انقهرت وحطيت نفسي او بنتي مكانك
لكن انتي مارحمتي نفسك ولا رحمتي عيالك
ولا عزيتي نفسسك
اقلها كان جاب سحور من برا....

مو معقول زوجك ماعنده قلب هو متعمد يسوي كذا عشان يلوي ذراعك بعيالك ويستعطفك هو عارفك مضبوط انك طيبه ومسكينه وتخافين عندي سوال مهم هو دايم كذا ولا بس رمضان

لا ارخصت نفسي له ولا شي لاكن ضروف اهلي صعبه جدي ابو امي تعبان وامي متضايقه وبس جالسه تبكي على حالها امها توفت قبل 7 اشهر وابوي توفى قبل شهرين والحين جدي تعبان كان بيروح المستشفى ورفض بعدين يقول اذا الموت جاه يجيه على فراشه عند امي وانا اصلا ماقدرت اقول لها مشكلتي واخوي مو حولي واللي جاء اخذني صغير لسى في الثانوي مايقدر ياخذ لا حق ولا باطل من زوجي وعمتي ام زوجي ماعندها خبر في شي واخواتي اصغر مني بس لقيتهم يساندوني ويصبروني وهم عارفين ان زوجي واهله يرفعون الضغط وام زعلت عشان عيالي تقول ليش ماجبتهم وهي اصلا ماتدري اني جيت زعلانه كيف تبغوني اتصرف احنا للحين متأثرين في وفاة ابونا اللي جت فجأه بدون مقدمات وهو لاهو كبير في السن ولا هو تعبان ولا عمره شكى حياتنا متلخبطه بين امي واخواني ابوي الله يرحمه كان سند قوي لي صحيح انه مايرضى على عمتي ام زوجي بس كان يوقف زوجي عند حده بكلمه كلمتين وكان يحسب له الف حساب والحين وش حيلتي حاولت اصلح حالي باللي اقدر عليه وعشان خاطر عيالي رجعت وانا لو اظمن ان حقي بيرجع لي كان مارجعت له وانا ماعمري سكت على ضرب زوجي لي هو كااان يضربني ودخلت ابوي في الموضوع ووقفه عند حده لاكن انا مشتته للحين ما استوعبت التغيير في حياتي وانا مو من قبل اكرف لاهل زوجي بس هذا الشهر وغيره لا اطبخ لعمتي بس واخوانه مالي شغل فيهم والحين صار يكرفني لين اطيح على وجهي وينقد فيني اكلك ناقص ملحه العصير مو بارد زياده ومن هذا الكلام انا رجعت عشان اعطيه فرصه والا انا مارضيت ولا سامحته هو قالي اطبخي اللي تبغين ماراح اتشرط عليك اللي يعجبك سويه ومارضيت
البارح غسل ارضية المطبخ وغسل مواعين الفطور ورتب البيت يمكن قصده يعتذر مني بمساعدته لي بس انا مارضيت انا ما ارخصت نفسي له انا ضروفي ماتساعدني في شي هو خف ضغطه علي اكثر من قبل لاكن انا ماتوصلت للي في بالي
انه يحترمني ويقدرني ومايفرض علي شي انا ما ابغاه ولا يجبرني اسوي شي ماودي فيه واليوم على الفطور قالي صلحي اكله معينه قلتله لو تموت ماني مصلحه اكثر من اللي سويته وماقال شي الا سألني اذا محتاجه شي والا ناقصني شي طلبت اشياء ناقصه وجاء اخذ فطوره وراح لاهله
وانا ماراح استكت عن حقي وكلامكم قريته كله
لاكن فاتني بعض منه لاني البارح ماقدرت افتح الموقع ما ادري ايش المشكله لاني حذفت سجل البحث ومعد قدرت افتحه
وعلى كل حال تسلمون على ردودكم والله يكتب اجركم ويسعدكم مثل ما اسعدتوني في ردودكم واعطيتوني نصائح

كلامك مامنه فايده ابد لا يقدم ولا ياخر ولا لك حق تقولين لا عاد تكتب خلاص كلنا عارفين انها غلطانه وتصرفها قهرنا كلنا بس لازم حل للموضوع حرام نكون احنا ووزوجها والزمن عليها لو فعلا تبين لها الخير بلاش هذا الكلام اللي قد فاااات وقته اذا ماتبين تنصحينا خلاص خليها الله يرضى عليك يا اختي