تجمع الأمل (94) للمقدمات على عملية أطفال الأنابيب والمنتظرات نتيجة التحليل

بكتب لكن الادويه للفايده بشرط الهرمونات سليمه انا بحاول بزوجي ياخذهم الله يهداه يارب


نولفادكس 20mg مره باليوم
فيتامين هـ 1000قوته مره باليوم
زنك 50mg مره باليوم
Antioxidant مجموعه فيتامينات
Proviron ثلاث مرات
هذي الادويه اللي بضغط عليه ياخذها يقول كثير صفر طلع معهم حيوانات بعدها بشرط الهرمونات مضبوطه


مع ان كلن راسلناه يقول مافي امل حتى مستشفيات برا المملكه لكن بنجرب ونشوف الله كريم 😖

والله الدكاتره مجرد سبب كل شي سويته عند كل دكتور رحت اخر شي بندر كل شي ومشاوير خصوصا من خارج الرياض تعبنا لكن الحمد لله على كل حال
توكلن على الله وخصوصا اللي جديد بتسوي العمليه تاكدي انه مجرد سبب لابندر ولاالصفيان ولا الشهراني كلهم مجرد سبب وحتى ذا التقنيات سبب فقط لاتخافون وتترددون اللي قريب منك وبمنطقنتك سوي عنده حنا اللي مخلينا بالرياض عينه زوجي مجمده هناك
والا الود ودي اسويها بالشرقيه لاتعب ولاغيره
بنات جده عندكم مجدي الشيخ مازن بشاره فواز ادريس
الشرقيه فيه بسمير عباس سوداني نسيت اسمه وفيه سهام العاكوم بسعد
الرياض الصفيان العبدالكريم الشهراني
فيه دكاتره كثير وكلهم مجرد اسباب
اهم شي المعمل يكون كويس فقط غيره الدكتور مجرد سبب سبحان الله

غيوم وقلب سوسو الله يكون بعونا وعونكم يارب ويشافينا ويشافي ازواجنا قادر ياكريم
اليوم قريت قصص عن الاستغفار والاذكار سبحان الله تبعث التفاؤل اقروها بالانستغرام عسى الله يفرج علينا وعليكم
ووحده تقول اكتبي امنياتك ولو كانت كثيره قسميها كل يوم ثلاثه او اربعه وادعي بسجودك الله يحقق امانينا ويفرح قلوبنا جميعا


ضحكة فجر حكيني كيف السحب والترجيع والتخدير تنامي وماتحسي بشي ولا تخدير موضعي بس
وحبوب الكرتوزون كتبها لك متى وكم الجرعه

امين يارب


السحب ماتحسين بشي تخدير كامل وبنج كامل ماتصحي الا بغرفه ثانيه
الترجيع عادي جدا زي الكشف المهبلي ولاشي وانتي صاحيه
الكرتزون انا كتبها لي حبتين باليوم مره وحده اخذهم

يارب الله يرزقكم بحيوانات منوية سليمة ويسهل امركم ويرزقكم الذرية الصالحة عاجلا غير اجلا
والحمدلله دام طلعت بالمسح تفائلي خير
انا زوجي سبب الصفر هرمونات عنده خلل بالغدة النخامية مع دوالي بس سوينا عملية دوالي من سنتين وجالسين نعوض الهرمونات الحين بابر تنشيط عشان ترتفع الهرمونات
وربي ييسر هالكورس ويكتب الخير لنا ولكم وللجميع يارب