طلعت من بيتي زعلانه وتركت عيالي مع ابوهم

حبيبتي انا ماادري وشو موضوعك الأول ولا ادري وش نصحوك البنات بس مااتوقع قالو لك خلي بيتك واطلعي هذا اكبر غلط ازعلي ابكي ناقشي بس تطلعين وبعدين الرجال رسل العيال يقولو لك لا تطلعين يعني شاريك وانتي بعتيه هو اكيد غلطاااان بس الله يهديك طلعتك اكبر غلط بعد انتظري وان شاء الله يهدا وترجع الأمور لمحلها

الله يسخره لك ويفرج همك ويكتب لك الاجر
بس ارحمي نفسك شوي من الشغل 😞

ساره الله يكون بعونك قريت مواضيعك كلها مالي غير الدعاء لك

كل وحده تشوف الحل المناسب لها الناس تعطيك إلي يناسبها

اختي انتي نزلتي موضوعك مرتين وفي المرتين ما قدرت ارد لأن شفت اني لو قلت لك تحملي مثل ما بعض البنات قالو بتردين عليهم بانك موب قادرة وانك موب مجبورة وان وان ..


وما بغيت أقول لك عن نفسي إني أطبخ يوميا للعمال وزوجي يفطر معاهم ما يفطر معاي من اول رمضان ما جمعتنا سفرة الا في بيت أخته مع العلم اني موظفة أداوم وأرجع اطبخ وعندي بيبي عمرها سنة وبيبي 3 سنوات ,,. وقلت لو أخبرك بتقولين اللي انتي تطيقينه غيرك ما يطيقه وهالكلام ..


الحين اقصري الشر وكلمي زوجك قولي له أنا كنت مرهقة وجسمي ما يتحمل ومن الصيام .. وراضيه وارضي بالموضوع رمضان بيودعنا خلاص باقي 13 يوم مع اليوم وبيعدن على خير ماله داعي تخربين بيتك علشان شوية جهد تبذلينه في المطبخ .. دام زوجك يستاهل لا تسودين وجهه بين أهله ولا تحرجين نفسك مع أهله بيذكرون هالحركة للأبد وبيتعاملون بحذر معاكي وما بتكونون من ضمن العايلة معاهم ,,


لو منك كنت طلبت غسالة صحون تساعدني أحسن من الزعل