تجمع الأمل (94) للمقدمات على عملية أطفال الأنابيب والمنتظرات نتيجة التحليل

هلا والله بريومه الحمد الله هانت وفعلا لايهمك العدد والله يسهل امر السحب والترجيع ويبشرك بما يسرك وتتمنين .،.
عهود من جد ذكر تجربتك تعطينا فائدة معلومه شي جديد ما مر علينا والاهم تفائل وفعلا التوكل ع الله وحسن الظن ونجزع من مصابنا ماندري وش الخيره فيه
والله يثبت اجنتك وتشوفينهم بعد 9 شهور وماتكون هاذي اخر مره ماعليك من كلام الاطباء الله قادر ع كل شي .،

انا مثلك هَوازن خفت وعاد انا خوافة 😰😂 الله يعين وييسر اللهم آمين الله يجعله برداً وسلاماً🌹

الله ييسر لكم بنات ويجعل ما أصابنا وأصابكم تكفير للذنوب وربي سبحانه هو وحده القادر يبدل الحال من حزن إلى فرح
اللهم أملأ قلوبنا فرح وسعادة وبشرنا بالحمل يا أرحم الراحمين


بنات كل ما دخلت التحاميل ينزل معي بني و على الفجر نزل نقطه حمرا تتوقعون أحطها شرجيه أحسن والبارح جاني ألم في المبايض تتوقعون عادي


الي تسأل عن البويضات سحبو منها عدد أكبر من السونار أنا حصل معي كذا قال الدكتور ما عندك الا 3 بويضات حجمها مناسب ويوم السحب لقو عدد أكثر ما شاء الله يعني عادي السونار ما يبين كل البويضات


معليش طولت عليكم 😁😁

الله يجززاكم خير يارب
انا مشكلتي انه اصيب بالسرطان وهو طفل ماكان بالغ اغلب الخلايا متضرره عكس اللي يصاب وهو بالغ ممكن يجمدون حيوانات او يجمدون الخلايا الام بعد
الصفيان باول عمليه كنت ابكي وهداني و قالي الحيوانات مهي كويسه لكن زين انه تلقحت
بندر كان مواعدني باليوم الخامس لكن بعد السحب بيومين دقو اجي ارجع الاجنه معناته كلام الصفيان صحيح طبعا كلها درجه ثانيه سحبو مني 15 بويضه ولاتلقح الا ست درجه ثانيه واحد راح وبقي خمس طبعا بصياح وهواش لين خليته يرجعهم كلهم وقالي انا كاتب بالورقه ثلاث ان حملتي بالخمس ماتجيني لانه ممنوع قلت طيب
سبحان الله ماكمل عاد حللت هرموني كان 0.04 صفر


عشان كذا ودي بحيوانات فرش وزينه ويفحصونه 😖
بنات اللي اجنتها كويسه لاترضى ترجع الا باليوم الخامس ترا افضل بكثيرررر غالبا تحمل خصوصا اللي درجه اولى
يالله باذن الله الله يرزقنا ويرزقكم
انا موضوع العيال مايهمني صراحه اقدر اعيش بدونهم لكن عشان زوجي عشان امي ابوي امه وابوه
وبنفس الشي اخاف لو عجزت وكبرت بالعمر وطلع له علاج تزوج وتركني ههههههههه هذا الشي مخوفني ممكن ارتكب به جريمه وقتها 😜😂

بالعكس الدكتور حبيب بنات وعسل ويوم رجعت له وانا ميته اتالم ضحك قالي دامك جيتي تمشين على رجليك مابك شي ههههههه مع اني ابكي وانا اكلمه
قلت يمكن يده ثقيله يمكن مدري لكن كل عملياتي ماحصل لي كذا ابداً مع اني اكثر مويه بدون مبالغه اشرب ام ريااال نوفا عشر علب ل 12 علبه كل نص ساعه حمام لكن برضو ماراح حتى النوم مانام زين كل شوي حمام هههههههه
وممكن يختلف من وحده لوحده مدري والله