💑يا حلوها ساعة لفتني التباشير ..بشارة سلامتها و بشارة ضناها (2) (يوليو و اغسطس 2016)

لوحه خواطر الحمدلله انك طمنتينا كنت احسبك ولدتي 😰 الله يسهل لك ويهون عليك


باقي رنا هنا ياليتها تطمنا ان شاء الله انها ولدت وبخير

لا ام جيان خلينا ماشين بالدور خليهم يولدو قبلناا 😨😨

ياعمري يابنات حبيبات قلبي والله اسعدتوني بدعواتكم وفرحت من كل قلبي الله لايحرمني اخوتكم فيه يااارب
نجي للاكشن حبيباتي البكريات لا تفكروا ولا شي بالعكس البكريه لانها ماتعرف تتسهل ان شاء الله في اغلب الاحيان
وعليكم بالدعاء الدعاء الدعاء
بسم الله
طبعا مثل ما تذكروا انا دخلت خبرتكم اني تنومت عشان السكر وحركة البيبي ضعيفه على قولتها مع اني احس عادي يمكن لانه المكان ضاق عليه هالشي صار فجر السبت
ونمت معاهم وقالوا لازم افطر ويقيسوا السكر وكل شوي تخطيط وكل شي تمام
جات الدكتوره اللي تشيك الساعه 8 وانا متوقعه اطلع قالت انتي مريضة سكر تعتبري والافضل عشان مايكبر البيبي اكثر و و و المهم الافضل نعمل لك طلق صناعي انا لا ارادي بكيت وقلت لها طيب اعطيني نص ساعه صليت واستخرت ربي وشوي ترجع قلتلها طيب موافقه بس كنت مابي اغامر في طفلي واندم المهم كنت ادعي ربي واقرا قرآن ما جاني نوم ابد وجاتني الممرضه الساعه 6 الصبح وقالت لي لبسي لبس الولاده وحطت لي ابرة المغذي وحولوني لقسم الولاده بس غرفة المراقبه قبل وحطوا لي بعد التوقيع اول تحميله وابتدت عندي اللام محتمله لحد الساعه 2 بعدها زادت وللساعه 4 المفروض يحطوا لي التحميله الثانيه بس جات الدكتوره كشفت لقت الرحم مسكر وانحبطت 😢😭😩 وعندي طلق يوصل لحد 80 درجه والدكتوره قالت مانقدر نحط التحميله الثانيه لانه عندج طلق وجلست اتألم لحد 12 بالليل بس بدون صوت كنت مابي افقد طاقتي عشان وقت الولاده وبس استغفر بعدها جات الممرضه قلتلها دام الرحم مسكر اعطوني اي شي ابي انام تعبت عطوني ابرة مخدر ونمت وقمت للصلاه تخيلوا راح الطلق مع انه مفعول الابره يكون خلص انحبطت اكثر بس قلت كله خير المهم نمت للساعه 8 جات الدكتوره حطت لي التحميله الثانيه وابتدت الالام بس كانت قريه 120 توصل خلاص احس وصلت حدي لحد 4 ابتدى يروح وشيكت الساعه 5 ونص لقته مسكر والله قمت ابكي من قلبي 😭😭 عملت لي تحريض ووصل يمكن 2 تقريبا ورجع الالم يشتد الالم وكنت امشي في الممرات ولما يجي الألم اوقف واستغفر وكنت اقول ربي اني مسني الظر وانت ارحم الراحمين كل شوي ارددها لحد

الله يسهل عليها ويرزقها ولاده هينه لينه

ي كرهي للدكاتره اللي يتأخرو