فرفوشة اسمك لحاله كل ايجابية ..
ليه ليه هالسلبية .. تعوذي من الشيطان وانا اختك لا تخلين له مجال .. قولي الحمد الله يارب .. اشكرية في الشدة والرخاء .. ما جاء العسل الحمد الله لعل الله صارف عنك شر .. لعلك راح تحملين و العسل بيسبب لك تسقيط .. لعل ولعل .. ثقي تماماً عزيزتي ان ربي صارف عنك شر .. وما بعد الضيق الا الفرج ..
الحمد الله على ما سر من حالنا او ساء ..
سوي هالتمرين معاي الان غمضي عيونك خذي نفس عميق الآن وكرريه 3 مرات .. كل ما حسيتي بوساوس الشيطان سويه .. والان قومي توضي واذكري الله وصلي الاشراق وادعي الله الكريم اكرم الاكرمين ..
ما لقيتي موعد ما يتكنسل او غيره خيررررره خيرررره من رب العالمين الحمد والشكر لك يارب ..
ادعي الله ييسر لك امرك وينور لك بصيرتك ويسخر لك ويلهمك للعلاج الصحيح ..
9 سنوات موب سهلة اغبطك على اجر الصبر اللي جاك فيها موب سهلة ابد ..
ربي يختبرك ويخبر صبرك هل راح تصبرين ام تجزعين ..
باذن الله الفرج قريب وبتسمعين كلمة ماما ❤
والله ان حسن الظن بالله والتوكل عليه و الايجابية شئ عظيم تشوفين نتائجه بعيونك ..
الله يربط على قلبك ويجبر كسره
تجمع الأمل (94) للمقدمات على عملية أطفال الأنابيب والمنتظرات نتيجة التحليل
متابعة النقاش، صفحة 67