اريد حلا لحب الشباب الذي سببه الليزر

السلام عليكم ورحمة الله
كيفكم يا صبايا .. عساكم بخير وتقبل الله منا ومنكم صالح الاعمال وجعلنا من عتقاءه في هذا الشهر الكريم
بنات انا سويت ليزر لشعر وجهي وكان وجهي صافي ولله الحمد ولكن من ثاني جلسة طلع بوجهي حبوب كبيرة ومؤلمة رغم انها غير صديدية
وأعطتني الدكتورة غسول ومضاد ومحلول تعقيم لمدة شهر وقالت لي بعد الشهر نبدأ تقشير عشان اثار الحبوب لكن لما انتهى الشهر رحت لها قالت باقي وجهك متهيج وما نقدر نستخدم التقشير وقالت بتصرف لي حبوب الروكتان بس لازم اسوي تحليل لإنزيمات الكبد وما أكون حامل ولا لي نية في الحمل قريب وأوقع على هذا الشي بس انا مره خايفة ومترددة منها لان اخاف يحصل حمل من فوق المانع او يرتفع الكروسترول مثل ما صار لبنت اخوي وبعد وجهي انعدم حتى معد اقدر أحط مكياج ولي على هذا الشي خمسه شهور تكفون اللي عندها تجربة ناجحة للتخلص من حب الشباب او بديل لهذه الحبوب تكتبها الله يوفقكم ويسعدكم دنيا وآخره
😘😘😘

2 تعليق 243 مشاهدة

شاركي في النقاش

سجلي الدخول لإضافة تعليق.

التعليقات

2
  1. @mymo_alhloh_2

    غريبه ليش صار معك كذا وش نوع جهاز الليزر والمركز معروف ولا


    اذا شعر الوجه وبري نهائي ماتسوين ليزر
    الله يشفيك يارب
  2. @maalm_alktb

    صاحبة الموضوع
    شعر الوجه عندي واضح خاصة منطقة العوارض والشنب
    من شدة حرصي جبت الأمواس من عندي ما أحب استخدم شي من عندهم بس ما ادري ليش صار لي كذا جسمي الباقي سويت له ليزر بس الحمد لله ما تأثر الا وجهي
    المركز معروف وعليهم زحام نوع الليزر والله ماسألت الدكتورة
    جزاك الله خير يا عسل على الدعوة والله يحقق لك مرادك

تابعي تجارب أخرى من هذا القسم.