💑يا حلوها ساعة لفتني التباشير ..بشارة سلامتها و بشارة ضناها (2) (يوليو و اغسطس 2016)

الله يعافيك ويجزاك خير 🌹

دخلتي التاسع ؟؟

مو شرط يكون من علامات الولادة اذا ماكنتي على وشك ولادة ..
انا جاني بداية الثامن اسبوعين واشتد اخر يومين .. وسويت لي قهوة وشربت فنجان عصرت عليه ليمون اللهم لك الحمد اليوم الثاني راح ماكأن فيني شيء..

جربيه قهوة وليمون ويارب يفيدك : )

اكشن ولادتي 👼🏻
انتم عارفين انو انفتحت موية الجنين بالبيت
وأول مره تصير معي😓
قبلها بليله يوم الاثنين طلعت امشي وماطولت لان كنت احس بضغط على تحت والم في اسفل بطني وقفت ورجعت البيت وتروشت بمويه دافيه خليتها تصب على ظهري
ودهنت ظهري بزيت زيتون مع حبه سوداء كنت مسويتها من قبل بس سخنتها بالميكرويف
صليت الفجر ونمت😴💤
صحيت يوم الثلاثاء الظهر حسيت اني خفيفه وحركت عزوزي خفيفه مره مو بالعاده
بس كان مزاجي للاسف سيء ومعصبه على بناتي وبس اهاوش🙅
انسدحت على الكنب بعد صلاة العصر اتفرج على التلفزيون واطقطق بالجوال وكل شوي قايمه وجالسه من بناتي
بعدهاغفيت وصحيت على خمس وربع😴
عدلت جلستي و حسيت بحاجه دافيه تمشي على فخوذي ورجليني وقفت على طول والمويه تمشي مثل الشلال خففففففت مرررره لان ماعمرها انفتحت علي المويه بالبيت دايم يفتحونها المستشفى
وأمشي والمويه تصب لونها وردي سبحان الله ولها ريحه معليش تشبه موية الرجل على زفره كذا😷😷




وزوجي نايم واصحيه وانا ابكي ويرتاع المسكين 😭😭😭😢
طبعاً في ذاك الوقت احس ماعاد افكر توترت صرت بس ادور في البيت ماادري وش اسوي اخذ ملابس لبناتي او اطلع اغراضي ابدل ملابسي اغسل جسمي اطلع كرت المتابعه حق المستشفى احس اشياء كثيره ابغا اسويها بس ماادري وشلون اتصرف والمويه مارضيت توقف تصب وانا لابسه فوطتين وهذا اللي خوفني ووترني زياده 😔
وديت بناتي لبيت اهلي وعلى المستشفى
وصلت وهو يأذن المغرب
طبعاً من الخبه والوخوف والتوتر شربت مويه واكلت حبة تمر قبل الاذان بربع ساعه ههههههه خربت صيامي الله لايواخذن😆😅
دخلت الطوارى وركبولي تخطيط لمده ساعه تقريبا وكان في طلق بس خفيف بعد مافكت الجهاز
زاد الطلق وصار كل خمس دقايق احس بألم وتأخرت الدكتوره
بعد ماجت قاست الرحم لقته مفتوح 2 سانتي
وسبحان الله اختفى بعدها الطلق وماعاد احس بشي غير ثقل اسفل بطني وشي يشد على تحت 😫😰
قالت مافيه ولاده اليوم 😕بندخلك التنويم وبنعطيك مضاد
قلت سوي تحريض قالت ليش مستعجله اذا فيه الم يمكن يجيك طلق طبيعي
وقالت بعد 24 ساعه من نزول المويه نعطيك تحاميل طلق او بالوريد
ونشوف وش نقرر وانتي خلصتي 38 اسبوع ولك يوم بالاسبوع 39




وتوكلت على الله ودخلت التنويم وجاب لي زوجي من
د كيف حليب بالقرفه والزنجبيل☕
شربت شوي وركبت الجهاز مره ثانيه عشر دقايق وبدا معي الم وطلق شديد فكت الممرضه الجهاز وقالت في الم قلت ايه
كان تقريبا كل 7 دقايق وحااار😖😭
وكنت احس بحاجه في المهبل يألم وكأنه شوك ودبابيس وثقل في اسفل البطن
واقول لزوجي احس الطلق متقارب وفعلا اشوف الجوال صارت مره قريبه كل خمس دقايق والم يستمر دقيقه ويفك
طلع من عندي زوجي لانها انتهت الزياره وبدا الجد
وصار الطلق يجي كل 3 دقايق واحس بدفع الجنين ونزوله
والطلق حاااار حااار وسررريع مااتنفس 😰
قمت انادي الممرضه وتجي تركب التخطيط وترتاع
وتقول اصبري خوذي نفس لما تجي الدكتوره
وانا خلاص ماعدت اتحمل بس اتقلب وحسيت اني بولد بالتنويم
واناديهم بسرعه جيبي دكتوره
و اجتمعوا عند راسي كل
ممرضات التنويم 4 كل وحده تصبرني مع جهه ياربي لك الحمد
لما جت الدكتوره قاست الرحم مفتوح 6 ونص والراس نازل
قالت بسرعه على الولاده وبسرعه شالوني بالعربيه حتى العبايه مالبستها غطوني بشرشف
السرير وعلى جناح الولاده 😞😞😓
دخلت وانسدحت وقاست الرحم مفتوح ثمانيه واصيح اقول لهم عطوني مسكن وكمامه تقول اصبري انسدحي على جنب وخذي نفس ولاتدفعين علشان يجهزون الغرفه
قلت احس بدفع
بيبي ينزل
ركبت مسكن بالوريد وبتعطيني الكمامه ماامداها
وتشوف خلاص راس البيبي قريب ويفتحون السرير وقالت ادفعي اذا حسيتي بالدفع😫😫
والحمد لله دفعت 3 مرات وتعبت وحسيت بدوخه وقاموا يصبروني الممرضات ويشجعوني والمره الرابعه الحمدلله
شرف حبيبي على هالدنيا الساعه 1 ونص فجر يوم الاربعاء
الله يحفظه ويخليه وحطوه على بطني وقالوا امسكيه زي الكانغر من احلى لحظات العمر واخلى شعور الله لايحرم اي انثى منها❤
هنا نسيت كل لحظة الم مريت فيها خلال التسع الشهور الحمدلله
واخذوه مني وكملوا خياطه وتنظيف 🌟

✨✨الاشياء اللي حسيتها ساعدتني
🌸اول شي طريقة التنفس شمي ورده وطفي شمعه يبنات مهمه تخفف شوي من وجع الطلق رغم اني ماطبقتها زين بس نفعت ببعض الوقت
😶وقت الدفع لا تصرخين حاولي تاخذين نفس عميق وتدفعين على تحت واذا وقف الطلق وقفي وحطي يدينك تحت فخوذك وادفعي اذا حسيتي
☕الحليب مع القرفه والزنجبيل احس كان له دور بزيادة الطلقوفتح الرحم
⭐لاتنسون تقرون ورد الولاده والدعاء يابنات
🚨🚨اذا دخلتي التاسع خليك مستعده لأي شي ممكن يصير
انا كنت اقول احتمال اطول وأخذ شهري تقريباً كامل مثل ولادتي اللي قبل
لاكن سبحان الله نزلت المويه وولدت حتى كنت داخله المنتدى وارد على البنات ذاك اليوم واقول ودي اولد وارتاح من التعب ومرات اقول ابصبر واصوم رمضان بس الحمدلله اللي يسرها


💫والحمدلله من قبل ومن بعد وكل شي توفيق وتييسر من رب العالمين 💫