تجمع الأمل (94) للمقدمات على عملية أطفال الأنابيب والمنتظرات نتيجة التحليل

انا عطاني ابرتين تفجيريتين
وترى الدكتور يتأخر لا تشيلين هم
وكأني قريت في الورقه اللي مع الأبره ان مفعولها يبدأ بعد 36 ساعه
الله ييسر امر

امين امين يااااااااارب ولكي بالمثل حبيبتي
عقبال ماابشركم بالحمل ان شاءالله وعقبالكم يارب ربي يرزقكم عاجلا غير اجل

ايوه حتى انا
الوحده قوتها 5000
اعطاني ثنتين يعني 10000
بس كلها اخلطها بمويه وحده اخذها بابره وحدة
امين يااااارب الله ييسرها لي ولكي ولكل متاخره يارب
سويتي السحب ولا لسا؟

بنات اللي مرجعين لاتفكرون بالاعراض كل عملية اعراض شكل اهم شي خليك متفائلة وواثقة بقدره رب العالمين وكرمه


انا هالمرة جاتني اول الايام اعراض دورة بس مو قوية وبعدين خفت وجاتني نغزات بالمبايض وألم شديد بظهري بس


المرة اللي حملت فيها ببنتي جتني الام الدورة قوييية لدرجة كنت متأكدة انها بتنزل ونزل علي افراز بني اليوم التاسع واستمر العاشر وبالاحد عشر صار دم اسود وكلمت المستشفى قالوا حللي هرموني اذا تحت الخمسة وقفي مثبتات وحللت وبين حمل الحمدلله ووقف الدم وباليوم ال15 حللت وتضاعف الرقم ومع ذلك كنت محللة منزلي وطلع لي سلبي


الاحتياطات والتوصيات اللي سويتها


اهم اهم شي الاستعداد قبل العملية بشهر او 3 شهور فيتامينات وجلوكوفاج وفوليك اسيد انا استخدمتهم شهر
وزوجي لان هو اللي عنده المشكلة استمر 3 شهور متواصل قبل العملية ع خلطة العسل مع غذاء ملكات النحل والمكسرات وحبوب الارثمول الالمانية


بالنسبة للاكل ماغيرت بأكلي كثير ونظام حياتي كان عادي نفسه


بعد الارجاع اول يومين الحركة معدومة بس للحمام وانتم بكرامة واصلي وانا جالسة ( افطرت يوم الارجاع واليوم اللي بعده) لاني ماتسحرت زين واصلا كنا بالبحرين يعني مسافرة


انا بكل عملياتي احجز اقرب فندق للمستشفى واروح اريح فيه ليلة عشان ما اتحرك ولا اتعب من السيارة


طبعا ع سرير المستشفى بعد الارجاع ماتحركت والحمام وانتم بكرامة بالقيصرية لمدة اربع ساعات بس انتقلت من سرير العمل للترولي ورفضت اتحرك منه لين اعدي اربع ساعات


بعده قمت ورحت للحمام وبعدين رحنا الفندق غسلت جسمي سريييع عشان الطهارة يعني مو شاور بس تغسيل موية فاترة


وعلى السرير لين ثاني يوم بالسيارة ع مهل لين وصلنا البيت طلعت الدرج شوي شوي وكملت ع السرير


خمس ايام حركة محدووودة جدا جدا


بعدين صرت عادي اجلس ع الكنب واروح امشي بين الغرف


ممنوع تلقطين شي ع الارض منع باتا>> توصية دكتوري قبل
الصلاة جالسة
الشاور كل ماقاومتي وطولتي ماتروشتي كان افضل عشان ماتنزلقين لاسمح الله


ممنوع الجلوس ع الارض


الاكل حاسبي من الحار والمبهر كثير والاكل اللي مو صحي
حاسبي من الاناناس
كل يوم اكل سلطة خيار وخس
واحاول اكثر موية بس كمية معقولة لاني انساه
اشرب عصاير طبيعية طازجة منوعة
بصراحة اشرب قهوة وشاي بس بكمية معقولة حتى التمر والسينابون والشوكلاته كليت بس قليل


ما اطلع من البيت ولا انزل درج ولا اطبخ
بنتي عند الشغالة مهتمة فيها من الى بس ياقلبي كل شوي تجيني تقولي ماما شيليني الشغالة خايسة ههههههه بس انا اقول لها ماما تعبانة وفهمت ياعمري عمرها


الفطور خالتي الله يعطيها الصحة والعافية لما رجعنا من العملية قلنا لها ولا تقصر كل يوم ترسل لي فطوري واحيانا ترسل لي قهوة وحلا بعد المغرب ههههه
والسحور تطبخه الشغالة


امممم بعد وش التوصيات اللي ابقولكم عليها


اللي عندها استفسار ولا سؤال لا تتردد والله يرزقكم كلكم مثل ماتتمنون وأكثر ويكتب لكم جميعا فرحة تخليكم ماتقدرون قدامها الا تسجدون سجود شكر

الله يتمم لك على خير وييسر أمرك
إن شاء الله تبشرينا بحملك قادر يا كريم