💑يا حلوها ساعة لفتني التباشير ..بشارة سلامتها و بشارة ضناها (2) (يوليو و اغسطس 2016)

اذكر في بنتي ىحت للمستشفى وقالوا ارجعي توك 1 سم....وارجع وانا الطلوق كل 5 دقايق تجي...


واذا جيت بانزل للبيت ...اتابع الساعه اذا جت طلقه ما نزلت..واذا راحت رحت بسسسرعه ادخل الشقه عشان لا اصرخ او امسك الجدران😂


الله يعين هالمره مدري وش بيصير جعله برد وسلام علي وعليكم يارب

البكريات ابدا لا تجازفون بالولاده اذا كان الطفل مقعدي مررررة خطر
اختي كان بكرها كذا وراحت مستشفى وقالت الدكتوره تقدر تولد طبيعي
وجا الاستشاري هزاها وقالها انتي ما تفهمي شي طبعا الكلام صار قدام امي واختي
وحتى لو مو بكريه احس مجازفه اي تعسر او تاخر يسبب ضعف نبض واحنا بغنى عن المشاكل اللي تجي من ورا توقف او ضعف النبض
نصيحه لا تجازفوووون
والحمد لله ربي جعل مخرج ثاني وربي ييسر لنا امورنا ويسهل ولادتنا ويرزقنا اطفالنا واحنا وهم بصحة وسلامه

ماشاءالله تبارك الله
الف الف مبروووگ لكل اللي ولدوا ويتربون بعزكم ودلالكم.،...
وعقبالنا يااارب

جاسمين الحمدلله اللي ربي هونها عليك..
الله يحفظ لك عزوز ويبارك لك فيه..
وبالنسبة للمغص انتبهي من الهوا وخاصة هوا المكيف تدفي زين حتى لو تحسين بالحر خلي عليك بنطلون داخلي وكمدي بطنكٌ بمويا دافية (الكمادة) وزيت زيتون دافي..
وماتشوفين شر يالغالية.،،،،

بنات تذكرون اشتكيت لكم من حبوب بالمهبل
رحت للدكتورة وقالت لي ممكن التهاب ورجعت مرة ثانية عندها قالت لي اثاليل ولازمها كي لانه صعب عليك ولادة طبيعية وهي موجودة عشان ماتنتقل للجنين قالت لي ممكن بسبب انه مناعتك صارت ضعيفة مع الحمل ولازم تقويها
المهم عملتلها كي دعواتكم بنات وربي مهمومة منها
تذكروني عند الفطور ووقت صلاتكم دعوة المسلم لاخيه بظهر الغيب مستجاب
الحمدلله حسيت من جد قد ايش الانسان ضعيف لدرجة حتى اعدائي او ناس ظلموني قاعدة استغفر لهم لو تكلمت فيهم او قد دعيت عليهم من كثر ماني شايلة هم


ادعوا لي ربي يحميني منها ومعاد ترجع لي ولا اشوفها بحياتي ابدا احس وسوست بشكل مو طبيعي واخاف ينعكس عالجنين هالشي


الله لا يوريكم ويحميكم يارب ويحفظني منها ومعاد اشوفها بحياتي ولاترجعلي ابدا يارب