السلام عليكم ورحمة الله وبركاته
المعذره منكم جميع امس مشاركاتي انتهت وانا ارد على الاخوات وما كنت اعرف انها محدده
المهم هذي قصة ولادتي او اكشن ولادتي 😭😭
الله يكرمكم بدت معي افرازات الدم من بعد اذان الفجر يوم الثلاثاء وكنت متردده كثير اني اصلي او ما اصلي رجعت لدورة المياه على الاقامه تقريبا وما شفت دم بالمره بالعكس نزلت معي افرازات عاديه الله يكرمكم قلت بما انها كذا وضيت وصليت الفجر وبديت امشي ممكن دقيقتين او اقل اشتد الشد اسفل بطني وحسيت نفسي مرهقه قلت اروح اريح شوي على بال ينامو اولادي وابدا السجود والحبي بس نمت وما صحيت الا 3 الظهر رحت ابي اصلي الظهر بس كان يخرج مني دم الله يكرمكم وكأنها الدوره هنا انا امسكت بس حقيقه ما قدرت اصلي خفت اوقف امام ربي وانا احمل نجاسه لاني سمعت انا الوحده اذا شافت الدم تكون بحكم النفساء والله اعلم
المهم عرفت انها بداية ولاده بس لسا مافي طلق ابد رحت سويت لحمة السنبوسه وعجنت لها زوجي لاحظ اني مو طبيعيه وان فيه شيء بس انا ما قلت لاني اعرفه بيوديني المستشفى وانا ما ابي
سويت الفطور وخلصت وحطيته واذن المغرب افطرو اولادي وابوهم انا اكتفيت بالتمر والمويه بعد الفطور على طول بدا يحمى الطلق كثير وهنا عرف زوجي وكان بيوديني بس قلت له خل امشي شوي وبعدين نروح جت 10 بالليل وخلاص مو قادره اتحمل لبست وكلمت زوجي ورحنا المستشفى
وصلنا الطوارئ على عشره ونص او 11 الا ما عاد شفت الساعه
وهنا بداية الاكشن
طبعا انا كنت بالاسبوع 37 وفيني الطلق حامي وعندي الله يكرمكم افرازات دم يعني حاله طارئه ومستعجله لكن المستشفى العسكري بتبوك نظامه بدور اللي جت اول تدخل الاول طبعا انا بالطوارئ والالم بيموتني وكل شوي يزيد وتشوفي وحده ما شاء الله ما فيها الا العافيه وجايه تطمن على الحمل او تاخذ تحويل تدخل قبلك وانتي انتظري دورك خلاص حسيت بالبكى وانتظرت الى ان فرجها ربي علي ودخلت عند الدكتوره 1 الا ثلث تقريبا ولما كشفت علي قالت الرحم مفتوح 4 سانتي وعلمتني ان الجنين راسه فوق واني امام خيارين لا ثالث لهما اول شيء عمليه او ولاده طبيعيه 😰😰😰 المهم قالت الاستشاري راح يقرر مو هي حولتني على كشك الولاده بس في غرفة عمليات وكان الوقت الساعه وحده في الليل جت تكشف علي دكتوره عربيه مراح اذكر جنسيتها لانها ما تمثل الا نفسها حقيقه الله يسامحها على معاملتها لي 💔 المهم قالت الرحم 4سانتي ونص وراحت نادت الاستشاري وهو قالي ان عندي خيارين يا عمليه ولها مخاطرها او يولدوني طبيعي وبعد له مخاطره بس مخاطره واحد بالميه انه يعلق راس البيبي وبعد ما استشرته الافضل ايش قال اولدي طبيعي افضل لك لان انتي عندك اربع اطفال من قبل والحوض عندك يسمح بمرور الجنين عكس البكر يسوو لها عمليه لان الحوض ضيق عندها
واستعنت بالله واخترت طبيعي وبدا الالم يزيد طبعا الى الحين موية الراس ما انفتحت ابد ومتعوده هم يفتحو الرحم لكن المره هذي ابد ولافي اي تدخل جلست اعاني الى ان انفتحت المويه هنا انا صرخت وناديت السستر المشرفه على ولادتي لان الدكتوره مالها خلق تجلس وتشوف الحاله المهم جت وكشفت علي قالت 5سانتي وقلت الحمدلله بدا فرج ربي وكانت 1 وربع تقريبا وجلست كل شوي يشتد الالم ويزيد الى صارت الساعه 2:30 الفجر خلاص مو قادره اخذ نفس من الالم جات طبيبه سعوديه اتوقع او يمنيه المهم كانت خلوقه جدا ومراعيه لنفسيتي الله يجزاها خير ومعها قابله سودانيه الله يعطيها ما يرضيها لان لما سألتها اذا هي بتولدني قالت لي كلمه وحده لا تخافي كلنا معك وبجنبك وانتو تعرفو قد ايش الكلمه الطيبه تأثر في نفس الوحده وكانت معهم الدكتوره اللي ما اقول الا الله يسامحها بس طلعت هي والقابله والدكتوره السعوديه تقريبا بدا الالم لا يحتمل حتى دقيقه وحده ومع الالم كان فيه دفع بسيط قلت اكيد قربت عشره
وجت السعوديه قالت لسستر تقيس قاست طلع 5 سانتي ماتغير ابد واطالع الساعه كانت تقريبا اربعه بكيت ساعتين وهي 5سانتي مازاد شيء طلعت الطبيبه السعوديه من عندي وجلست ممكن خمس دقايق بعدها قلت لهم خلاص ابي عمليه جات السستر ووقعتني على ورق وراحت ادت الدكتور او الدكتوره شوي تجيلي السعوديه وتهديني وانا خلاص قافله معيه مو قادره اتحمل قالت اصبري خلاص هانت قلت لها معاد اقدر من الالم قالت يا اختي مافي ولاده بدون الم قلت خلفت اربعه عمري ما وصلت لهذا الالم كلمه مني وكلمه منها الله يجزاها خير اقنعتني بس قلت لها ابي مسكن حاولت تبعد هذا الخيار من راسي بس انا 😭😭😭بكيت وقالت خلاص بديك مسكن خفيف يساعدك على التحمل لان لو اديتك مسكن قوي راح يوقف الطلق ويأثر على دفع البيبي قلت اهم شيء ابي مسكن اخذته ممن على اربعه ونص او واربعين دقيقه وكان رحمه من ربي سبحانه كان بعد كل طلقه شديده يجيني خمول بجسمي كامل واغفي وفترة غفوتي هذي اشوف زوجي واولادي قدامي يسولفو ويضحكو ومايصحيني منها الا الطلقه اللي بعدها وتكون اشد علي من اللي قبلها هنا زاد الدفع عندي وكل ما تشوفني ادفع تقول لا تدفعي خذي نفس بس انا اقول مو بيدي هذا الجنين هو يدفع ما بيدي شيء تقول فاهمتك بس حاولي ماتدفعي بعدها قاست السستر الرحم وطلع 8 سانتي استغربو كيف توسع بسرعه مع اني ماخذه مسكن قالت الدكتوره لا تدفعي الى ان احنا نقول لك حاولت اسوي زي ما قالت بس الدفع زاد معاد لي السيطره عليه ابد مع الدفعه الاولى الشديده اخذت نفس وسيطرت عليها ومع الثانيه قمت السستر تجهز الابر واشياء ما ادري ايش هيا المهم انا لسا على السرير كامل ما شالو الجزء اللي تحت ولا جهزو شيء لشيل الجنين فيه ولا حتى امداهم يلبس القلفز الا وتجي الدفعه الثالثه شديده مره ما قدرت اتنفس فيها ابد وبديت ادفع معها الا اسمع صرخات حبيبي واشوفه بعيوني ومعه احس بأنفجار صار ومويه حاره واصله لاكتافي طبعا في اللحظه هذي كانت السستر المشرفه علي قاعده تدندن عند المغسله وعندها تقريبا 3 او 4يسولفو معها سبحان من جمعهم بهذي اللحظه لانهم هم اللي استقبلو حبيبي وشافو المنظر المفجع من انفجار المويه على السرير هنا الكل صار يصرخ وينادي على الدكتوره لكن لا حيات لمن تنادي معاد شفت احد من الطبيبات المشرفات على حالتي وبعدها قامو هم بالمهمه اللي شالت البيبي واللي فكت السرير واللي سحبت غطا السرير من تحتي كيف ما ادري وهنا صارو يقولو لي لحظه لحظه ما ادري ايش قصدهم لان البيبي صار مع السستر
المهم فهمت انه علشان يبون ياخذو عينات من المشيمه قبل تشيلها هنا انا سلمت لهم كل شيء اهم شيء ولدي بخير اللحين ولله الحمد والمنه
الله يسلمكم حبيباتي من كل شر للاسف انتهت مشاركاتي لليوم بأذن الله بكره احاول اجاوب على الخوات واسألتهم
💑يا حلوها ساعة لفتني التباشير ..بشارة سلامتها و بشارة ضناها (2) (يوليو و اغسطس 2016)
متابعة النقاش، صفحة 336