تصرفات كريهة وعدم احترام [تم دمج الموضوعين]

@am_mtaab_alrmymy

لي ابنه عمرها 25 ماتحترمني يعني تتدخل بكل شيء وعندها جنون العظمه هي البكر يعني تتحكم يمه اطبخي كذا سوي كذا يمه افهمي يمه ركزي لاتسحبين علينا قومي سوي فطور رمضان انتي مسؤوله عن البيت الطبخ مسؤوليتك تقول لي قومي يمه بدري علمي الشغاله الجديده الشغل انتي راعية البيت احس ماتحبني وتصر على الشي اللي يكدر ني مثلا ولدي الوحيد يبي يروح عند جدته ام زوجي وانا ماابيه يروح تصر انه يروح وتصارخ وتزن خليه يروح ازعجنا عقدتيه بااسوي ثيابه زن مستمر تتعمد المواضيع المكدره لي ماخذه الفيزا وتقول لي مصروفي فيها 5000 البنات يأخذون مصروف انا محبوسه لا غبقات رمضانيه لا جلابيات ولاتطبخ ولا قهوه ولاشي يعني تكرهني وتتعمد تصارخ علي وترفع ظغطي وسكري وتشوفني اكل علاج وتتدخل بااخوانها يوم كلمتها عن الفيزا قلت عطي خواتك يصرفون منها صارخت ياالظالمه ماتحبني كفايه انا شايله البيت هي تقول عن نفسها يعني ماادري نرجسية أو جنون عظمه حتى إذا ماعزمنا أحد قالت مااحد دق علي انا خصيصا يعزمني

8 تعليق 1,911 مشاهدة

0 0

شاركي في النقاش

سجلي الدخول لإضافة تعليق.

التعليقات

8

  1. @am_dody_ololy_1

    الله يصلحها ويعينك عليها ترا الاولاد مايتأدبون من انفسهم لازم ينردعون بالبدايه وبعدين يتعودون على احترام الوالدين اما اني اشوفهم يطولون السنتهم علي واسكت وانتظر الزمن يربيهم ماينفع كذا لازم مع كل غلطه يغلطونها انبههم مره باللين ومره بالشده
    الحين بنتك الله يحفظها كبيره مب بالبدايه بس حاولي تشدين عليها لاتخلينها تاخذ راحتها عليك درس لها ولخواتها الله يحفظهم
    واهم شي الدعاء ادعي لها بالهدايه استغلي هالايام بالدعاء والصدقه لاولادك عن كل يوم ريال لكل واحد منهم بحصاله ويوم العيد عطيها فقير

  2. @am_mtaab_alrmymy

    صاحبة الموضوع
    تقول لي ياالظالمه بس نوم وتسدح وتبطح تقول لي هذا الكلام علشان بس قلت الفيزا فيه 5000 عطي خواتك منها هي تطلع وتصرف منها اكل وحلا والفيزا لزوجي ابوها بس هي ماخذتها تقول لي يعني تتعمد المواضيع المكدره لي وتتسلط تقول انا وانا لاتطبخون كذا وسووا كذا وعلمي الشغاله كل يوم انت راعية البيت وسوي الطبخه الفلانيه وأم فلانه طباخه وأم فلانه اجتماعيه وانا ماني متزوجه امي ماهي اجتماعيه

  3. @rmynya22

    معليش انت الام مهي هي


    خير ان شاء الله مخليتها تأمر وتنهي وانت ساكته !!


    عمرها 25 عمرها 5 سنوات قليل الادب مع الوالدين لازم يتأدب


    لو اني دايم اقول التربيه بالصغر هي الاساس
    لو علمتي بنتك من صغرها الادب معك واحترام الام كان بتكبر عليه ولاتعرف غيره




    ولو تربت البنت عالدلع وان محد يرد.كلمتها وعلى طولة لسانها على امها برضو بتكبر على كذا




    حبيبتي هذا صنع ايديك


    حاولي تربينها عالاقل وقفيها عند حدها
    لاتتدخل بارائك ولا بشؤونك


    ربيها انها مهي اللي تامر امها


    بالمختصر غيري معاملتك معها


    احس انك ربيتها عالدلع ومحد يرد.كلمتها ولا اوامرها ...وهذا غلط

  5. @naaom_alrthath

    اختي عمرها 35 وتعامل امي زي بنتك ماتعاملك
    لاتساعدها ولا تقول لها كلمه طيبه واذا تناقشو في موضوع تقول ل امي انتي اش عرفك ادخلي المدرسه وتعلمي بعدين تعالي ناقشيني
    زواج اخوي قريب لما امي تبغى تعزم جاراتها رفضت ورفعت صوتها على امي وراحت هي عزمت صحباتها
    تروح الاسواق وتطلع كافيهات مع زميلاتها واذا امي حبت تروح السوق تقولها انتي هلكتي السواق كل شوي مشاوير كل شوي طالعه
    احنا نهاوشها تروح ل امي تعتذر منها واليوم الثاني تعيد نفس التصرفات
    دايم اقول ل امي لاتسكتين لها حتى لو ضربتيها عادي بس امي خلاص ماتعودت تهاوشها من يوم كانت صغيره مدلعتها

تابعي تجارب أخرى من هذا القسم.