اهلي رافضين الي خطبني وانا ابيه والسبب.....؟

السلام عليكم
بنات خطبني شخص بعد ما تطلقت
بفترى والقهر ان صار شوفه وكل شي والرجل ما عنده اطفال وراعي صلاة وماله بالخرابيط حتى التدخين ما يدخن الهم انه من قبيله غير قبيلتنا بموت من القهر اهلي عشموني ورافقو وبعدين تفاجئت انهم ردوه
لاحد يقولي خيره النصيب تقطعه شعره
ليه اهلي يسون كذا ليه
بعد ما ارتحت له حتى ابوي واهلي سألو عنه وكلهم قالو فيه خير ومدحوه وقالو ما بتلقى مثله للبنتك


القهررر اني تعلقت وتعشمت ادعولي بنات




لا تقولين طليقك طليقي يبي يرجعني بيت اهله ويرميني هناك وهو يلعب ويخون
وابوي اصلا رافض طليقي اصلا فرح بطلاقي منه بدون محاكم الحمدالله
ادعوووولي اني اتزوجه الي خطبني
وعلى فكرى اخته تكلمني وتقول مستعد يخطبك مره ثانيه حتى هو ارتاح لي ورتحت له
السالفه فقط سالفة قبيله
ايش هذا الحال الحمدالله حمدا كثيره


تكفون ادعولي دعوة اني خذه وجعله من نصيبي وكتب الخير معه يارب وعوضني ويعوض كل مطلقه

45 تعليق 14,921 مشاهدة

شاركي في النقاش

سجلي الدخول لإضافة تعليق.

التعليقات

41
  1. @rysh_naaaam

    صلي صلاة الاستخاره واستخيري له لان لو به خيره يجيبه الله رغم انف اهلك واعادات والتقاليد
    ولو به شر الله يصرفه عنك فلا تحزني ولاتنغري
  2. @kmr_alyaban_1

    يمكن مرض روحي سحر منع زواج او مس عشق كافانا الله الشر
    وتحتاجي لرقيه وتحصين ارجوك ماتهملي نفسك ارقي نفسك
    اعرف وحده زيك كذا وطلع عندها مس واتعالجت والحمد لله الان متزوجه وعندها ولد
  3. @aol_thanoy_1

    طيب هو كبير بالسن ؟ متأكده انه يخلف ؟ كان مطلق ولا شاب ولا ايش ؟
    المهم استخيري وادعي انه فيه الخير يسهله لك وان شر الله يصرفه عنك وعسى ان تحبوا شيئاً وهو شرٌ لكم والله يعلم وأنتم لاتعلمون ..
    الله يكتب لك الخير ياحبي ..
  4. @dmaa_aml070

    صاحبة الموضوع
    اولى ثانوي
    طيب هو كبير بالسن ؟ متأكده انه يخلف ؟ كان مطلق ولا شاب ولا ايش ؟ المهم استخيري وادعي انه فيه الخير يسهله لك وان شر الله يصرفه عنك وعسى ان تحبوا شيئاً وهو شرٌ لكم والله يعلم وأنتم لاتعلمون .. الله يكتب لك الخير ياحبي ..
    لا مو كبير مشاءالله مطلق ومافيه الا العافيه وينجب ماعليه شر

تابعي تجارب أخرى من هذا القسم.