تجمع الأمل (94) للمقدمات على عملية أطفال الأنابيب والمنتظرات نتيجة التحليل

الله يتمم عليك ويثبت أجنتك ويفرح قلبك بالحمل التام السليم المعافى وكل البنات الله يجبر بخاطركم ويرزقكم مِن حيث لا تحتسبون

صادقه والله انا بعملياتي زوجي يقولي قوليله رجع كذا وليش مارجع اكثر
اقوله توكل على الله لو ربي رايدلي الحمل بحمل لو من جنين واحد واذا مو رايدلي الحمل ماراح يسير حمل لو من 5
الله ييسرلنا يارب

والله سويت ثلاث عمليات كلها تفشل اجنتي اول مره ثنين درجه اولى

الثانيه رجعت ثلاث درجه ثانيه

الثالثه رجعت خمس درجه ثانيه
طبعا بندر طلبته تحليل الاجسام المضاده رفض وزوجي عصب يقول هو يقول لا انتي تبينه ليش
بندر قالي انا عطيتك كرتزون وعطيتك التحوير المناعي خلاص مايحتاج
انا طبعا ماحد فاهمني لازوجي ولابندر وقتها ودي اكفخهم ههههههه
خايفه من مثل كلامك انهم بيثبتون بس من يروح مفعول المحلول يطيحون ههههن
ابيه يحلله بندر يقول مكلف ماله داعي انا معطيك العلاج
انا قصدي ان مجمدين ودي اجرب كل شي ماودي اخلص المجمد وانا ماني عارفه سبب الفشل
وزوجي سمع الدكتور قال ماله داعي خلاص ماله داعي
مدري هو عشان الاجنه درجه ثانيه والا فيه شي
انا سويت هرمونات وسويت اشعه الصبغه كل شي سليم
ممكن تذكرين لي اسم تحليل الاجسام المضاده وسعره
عشان اسويه لارحت اهلي بدون مايدري زوجي انا خايفه يكون عندي شي مخليها ماتثبت
ولاسويته خلاص مايحتاج اعيده والا كيف

انا رجعت خمس عند بندر حتى زوجي خاصمني لاني اتخذت القرار وانا على السرير وقت الترجيع وطلعت وعلمته وزعل هههههههه لان الدكتور مره ماوده
وبالاخير ربي ماكتبهم لي مع اني عامله تحفيز مرتين وتحوير مناعي لكن ماربي كتبهم

لكن ماشاء الله اعرف بنات رجعو اربع ورزقهم ربي
لو بعيد العمليه باي مستشفى برضو قراري واحد برجع كل الاجنه وعلى مسئوليتي طبعا هذا اذا زوجي استمر ع وضعه صفر وللان ندمانه بعمليتي الثاني بقى واحد مارجعوه لي ودي لو رجعته هههههه عشان كذا بالاخيره ابي كل جنين يرجع لو سبع برجعهم غصب عن الدكتور هههههههه

اما اذا تشافى اكيد بيتغير تفكيري هههههه لان ماوراي مجمد اخاف يخلص لو كل سنه عمليه

تسلمين 😘🌹