💕💞💓❣ التجمع ال (29) لأحلى حوامل التوأم الثنائي والثلاثي💕💞💓❣

ماشاء الله تبارك الله
الف الف الف مبروك سارا وريفان
الحمد الله على سلامتكم وسلامة اطفالكم 🌹🌹


ماشاء الله اسمي ف الصداره 🙈
الله يبلغنا التاسع يارب ويسهل علينا يارب

مشكورين على اللي رحبو فيني الله يتمم حملكم على خير ويفرح قلوبكم و قلبي بشوفتهم سالمين متعافين

حبيبتي الله يتمم لك على خير ، حبيت اقولك أنا حملي مثلك حقن مجهري
وبالأسبوع الثامن نزل معاي دم والله كان أشبه بالنزيف دخلت اتسبح و لما طلعت من الحمام تكرمين الا احس بشي دافي على رجولي أنا هنا طقتني أم الركب بس أستودعتهم ربي وأخذت تحميلة وانسدحت ورفعت رجولي بمخده ونمت و اليوم الثاني رحت لدكتورتي سويت سونار طمنتني إن الدم بجنب كيس واحد من الأجنه ولا منه خطر بس زادت التحاميل و الأبر مرتين بالأسبوع والحمدلله من ثاني يوم بدا يخف الدم لين وقف ، شرحت لك وضعي قبل عشان تتطمنين و ماتتوترين لأن أهم شي في الحمل النفسيه ، وخذي تحاميل سايكلوجيست اذا أنتي ما تاخذينها لأن كلمة روعه بحقها قليله والله يبلغنا تمام حملنا على خير 🌸

غريبة دكتورتك الأشعة المهبلية للضرورة فقط بالأسابيع الأولى لسماع نبض الجنين و بعد انا سويته بالأسبوع 13 لقياس طول عنق الرحم لأنها تكون أدق غير كذا نصيحه لاتسوينها السونار العادي يكفي و يوضح كل شي

بنات اليوم كان عندي مراجعه و دكتورتي قالت لي حطي فبالك من هالأسبوع إلى اسبوعين قدام إحتمال تولدين قلت ليش قالت لأن التوأم مايطولون أكثر من كذا ! وأنتي رابطه إذا حسيتي بأي ألم تعالي الطواري يفكون الربط ، والله كدرتني بدل ما تشجعني عشان اوصل التاسع حطمتني و من رجعت وأنا بس أفكر بالموضوع 😢 ، دعواتكم أوصل التاسع على خير يارب