مساااء الخير بنااات
راعية مبدا
كني اتذكر انك مسويه اشعه رباعيه ومتاكده من جنس البيبي
يعني شوفي وش جاك من رصرصه الدكتوره
لاني مثلك عقب بريطانيا قلت لها تاكدي لي ..قامت ورصصتني لين ظلمت الدنيا في عيني من الالم .. بنتي كانت مسكره رجولها والدكتوره الا تبي تعرف وشو قلت خلااااص مو لازم ..قالت احتمال انها بنت لاني ماشفت عضو ذكري ...قلت الا ان شاء الله بنت بس لعد تفغصيني وتفغصين بنتي جعلك منيب قايله :30:
وبالنسبه للمويه عادي تصير زايده...بالعكس يمكن تكون احسن من الشويه تخلص مع الطلق ويصير فيه خطر على البيبي
مزيونتنا
واضيف على خلطتك بشر صابونة الغار +فازلين
بس يوم كنت احطها قبل شاتني ابو الشباب من الغرفه <<<مايحب ريحة الفكس
لا تنسين سكراب الجسم (المقشر )تراه حلو مرررره
اما من ناحية الاسامي والله اني محتاااره مثلك كل يوم لي اسم وكل مااقتنعت بشي اما مايعجب زوجي او اهلي مثلا قلت
تالا .....قالت امي وشو :eek: تعالا
رسيل....قالو غسيل
ميس ....قالو تيس
داليا ...قال ابوها لو تحبين الثريا
ارينا ...قالو اسم شغاله
سديم ..قالو اسم فلم هندي
ريتاج ...قالو ثقيل دم
وهكذاااا.........................
وكلهم رشحوا لي اسم (ميساء)بس مدري احسه قديم ولا راح ينطقونه زين
يالله بروح اصلي المغرب وارجع لكم
*_* رمضان بعد ايام قليله نستقبله باخبار سعيده*_* الله يهون علينا ويقومنا بالسلامه
متابعة النقاش، صفحة 64