عمي بيطلق زوجته 😔😡 تكفون ابي حل

بنات مرت عمي اتزوجت عمي من ثلاث سنوات
ولين ذحين ماخلفت
حملت كذا مره بس تسقط يجلسس لين الشهر الثالث ويطيح
المهم امس اتصلت علي تقول انا خايفه عمك يطلقني تقول راحت المستشفى وكشفت وطلع عندها انسداد بالانابيب
وسوت مسحه
المهم الدكتوره تقول مافي امل انك تنجبين خلاص 😔😭
الا باطفال انابيب
وعمي ابدا ماراح يرضى هي عمرها ذحين 34
وعمي واحد يتزوج ويطلق تزوج قبلها سته حريم وعنده اربع بنات هو يبي ولد
واتزوجها يبي منها تجيب ولد
يقهر 😩
وهي محزنتني
لما تشوف بنتي تضمها وتبكي وهي مره
طيبه وع نياتها ومافي مثلها
ساعدوني تكفون فيه امل والا خلاص 😔
ربي يسعد كل من ترد علي
قالت لي نزلي مشكلتي يمكن الدكتوره تكذب علي

34 تعليق 5,631 مشاهدة

شاركي في النقاش

سجلي الدخول لإضافة تعليق.

التعليقات

28
  1. @boh_almsaaa

    طيب تسوي أشعة صبغة تفتح عندها الأنابيب


    بعدين حرام على عمك انصحوه ليش يتزوج ويطلق
    وإذا عمك مو كفو للزواج احسن شي تطلق وتتزوج غيره توها صغيرة
  2. سامحيني حبيبتي
    يمكن خيرة عمك يطلقها
    اجل فيه واحد بعقله يتزوج ويطلق
    ست حريم عشان ما جابوا له ولد؟؟
    يعني المعزة مو للزوجة ولا تهمه مرته
    أهم شي الولد
    حتى بناته رماهم وشتت ست حريم بأطفالهم
    عشان ولد؟؟ طيب الولد بيد رب العالمين
    والا سواه عمك ما يرضي رب العالمين ولا يرضي أحد
    الا بسألك عمك صاحي؟؟ بعقله؟؟
    اذا تحبينها انصحيها تتركه قبل لا تجيب بنت
    ويكون مصيرها الشارع
  3. @myra2015

    كيف ذا باقي يزوجونه هذا لعاب ببنات الخلق مايرضاها في بناته
    ان شاءالله مايشوف غيره
    وطبعآ سؤالك ماعندي علم
  4. @aaoatf_trky

    الله يفرج همها ويكتب لها الخير

    مدري احملها اللوم انها قبلت وتزوجت واحد مثل عمك مزواج ومطلق قبلها 6 زوجات


    او ألوم عمك اللي ماخذ بنات الناس لعبه عشان رغباته

    كلهم غلطانين وكلهم لازم يتحملون نتيجة غلطتهم الله المستعان

    وعمك بدال مايرمي مهر وفلوس على زواج وطلاق ليش مايسوي الانابيب الله اعلم حسب علمي انه بالانابيب يقدر يختار نوع جنس الجنين بعد قدرة الله

    اما زوجة عمك خليها تفوض امرها لله وتستغفر وتصبر لعل التأخير في الانجاب خير لها ولعل الفرج قريب

    الله يصلحهم ويهديهم

تابعي تجارب أخرى من هذا القسم.