شاركي في النقاش

سجلي الدخول لإضافة تعليق.

التعليقات

1,931
  1. @noaaam_7

    صاحبة الموضوع
    هيييييييييي ياشيخة الملاك , أقسم بالله العظيم أني كتبت لتس رد هذا كبره وبالتفصيل بعد وعلطول رديت لاني حاستن بمعاناتس

    والله العظيم اني ودي اصيح , شوفي تأكدي اغديه واصلة الرسالة
    يابعدي انتي والله العظيم العتب على المنتدى , لكن يحق لتس تشرهين ماتدرين ؟؟
    وقسمي بالله اظنه كافي عن كثر الهرج

    لكن انتي تطلبين طلب , وابعيد تجميع الاغراض واكتبهن لتس , ياخزياه بس !
    انا كلش ولا أرد مساعدة احد , ياربيه والله انه ضاق صدري , يابعدي انتي !!

    يالله ابقولتس وش قلت بالاختصار لاني بالرسالة كاتبتن بالتفصيل الممل !!!

    شرينا من مذركير البدلات اللي يصيرن ثلاث جميع ومقاسهن مناسب جداً لحديثي الولادة
    اخذنا مقاس tiny baby 3 k يعني مقاس 3 كيلو ووووهـ بث ياملحهن !!
    و مفارش بعضهن يكونن نفس البدلات يعني طقم !!!
    وشفت عند كيدزتوب بأسواق الباحوث مفارش , أسعارهم من 150 إلى 250 !!
    بس للاسف كنت عجلة ومهب معي اختي , اغدين ان شاء الله اروح لمهم مرة ثانية !!
    اذا رحتي قبلي قولي لي الله يعافيتس ولا حنا اذا رحنا ان شاء الله ابقولتس !!
    حنا رحنا لبيت الطفل بس غريبة مالقيت شي يفتح النفس , الا اللهم شرينا منهم مهادات بس !!
    مع العلم ان مذركير يبيعهن بس غاليات مره على 70 وماهنا فرق !!!

    أنا شفت عند بيت الطفل طقم ملابس مواليد يشبهن كثير اللي عند مذركير اللي على 130 لقيت عندهم يشبهن لهن على 35 بس !!!!
    وعندهم بعد طقم النفاس حلو والله , انا قد شفته عند رويال مول وبالمنتدى !
    بس لقيته عندهم

    عبارة عن /:
    1- مفرش راقي جداً للام
    2- سرير كبير للطفل وهذا حلو والله أو سرير صغير
    3- مخدتين
    4- مدس للطفل
    5- زبالة الله يكرمتس
    6- علبة مناديل
    7- روب للام ( بس هذا ما اعجبني )

    تلقينه بالدور الثاني , وسعره كامل على 1700 بس تقدرين تآخذين المفرش لحاله ..
    يعني تقدرين تآخذين اللي يعجبتس منه بس !!

    حنا اللحين نبي طقم مواليد فخم وان شاء الله لنا روحة لكيدز توب والسوق الداخلي واللي على شارع الملك عبدالعزيز !!
    اذا شفت شي ابقولتس من عيوني !! وانتي بعد الله يعافيتس !!

    الا صح بسئلتس انتي من وين شريتي الروب ؟؟ وبكم سعره ؟


    أتمنى اني افدتس , وهذا ملخص الرسالة اللي ارسلته ..
    اتمنى من كل قلبي انتس سامحتين , والـ ع ـتب على المنتدى
    --*-*-*-*-*-*-*-*-*-*-*-*-*-*--

    قمة الشموخ :
    طريق الطفل عنده تخفيضات , وهو بجوار جرير في اسواق الباحوث , وهو تقريباً قريب من العثيم مول أو تبين وصف أدق هو مقابل مستشفى الولادة والأطفال
  2. @dlby

    بنات ابي ارقام الشغالات تأجير بالشهر

    انا شفتها مرة هنا بس مالقيتها بالبحث

    ابيها اليوم ضروووري الله يعافيكم
  3. نواعم

    انت الى الحين تدورين حقات مواليد؟؟

    الخميس كنت بعنيزة فيه أشياء خيااااال عند سيتي بلازا .. منتهى الفخامة !!!

    جمعت هدية لقريبتي الي والدة من عندهم ..
    أخذت بطانية ومفرش وبدل وملابس داخلية وبجامات وألبوم لصور النونو يهبل شكله ..

    المميز عندهم الي أول مررة أشوفه :
    1/ مهاد جاهز غريب شكلة وما يبي تعب للي ما تعرف !!! يعني يشد الطفل المولود بالشمع ومن قدام زي صورة الدبدوب .. هذا سعره خمسين ريال بس حلو مرررة وغريب ومميز .. وأكشخ من المهاد العادي وأسرع استخدام ..
    كان فيه خمس حبات انا أخذت ثلاث !!!!! وأنا ما عندي مولود بس شفاحة !! أعجبنن قوووة !!!

    2/ صدارة للطفل كبيرة تغطي كل ملابسه عند الاكل ولها أكمام طويلة !! بـ12 ريال بس ومبطنة ببلاستك ..
    هذي لو تلبسينها الطفل وتخلينه يبربس لما يمل ما وسخ ملابسه !!!! فكتن من بنتي الي كل شوي اغير لها ..

    أنا ما ادري التخفيض للحين والا خلص .. اسألن تطور الفكر ..

    بس من جد قشيت لما قلت بس لي ولبناتي ولأختي وعيالها فوق الألف وخمس مية !!!



    حورية
    المسحل مكتب استقدام بعنيزة بطريق الزلفي
    ميزته الدقة بالمواعيد والتقيد بالشروط

    الفلبينية زينة وشغله تمام ونظيفة بس ما تبي أحد يامر عليها .. يعني تعطينها التعليمات أول ما تجي وبس ,, ولو قلتي لها بعدين نظفي والا زيني زعلت !!!

    أما السيرلانكية فوسخة على الغالب وكثير صياحها ونياحها !!! وما تواطن الاطفال !!
    أكثر الي أشوف كذا ..
    بس لو كنت ملزمة عليها اشترطي تكون مشتغلة وتعرف عربي حتى ما تتعبك بالتعليم وأكدي على الشروط ..
    أنا ما ناب ناسية وحدة جبتها بدون مكتب من سيرلانكا على طول ةاشترطت انها ما كد جت حتى أعلمها على نظامي من البداية ..
    وبنت الذين بعد ما اتعبتن واتلفت أعصابي بالتعليم والتلقين والتدريب قالت ابروح !!!! والا جيبوا زوجي !!!!
    الله ياخذها هي واياه الظالمة !!!
    جت سياحة وتدريب وكله على حسابي الشكوى لله !!! بس عقبها حرمت أقرب للسيرلانكيات !!!
    وكلللله كوم والقمل الي تعبت من كثر ما كافحته فيها كوم !!! مقرفة بشكل !!
    شوري عليك اطلبي فلبينية وكبيرة بالسن ومتعلمة احسن لك
  4. وردة

    خابرتك تسألين عن الفاسوخ المغربي الي بحلاوة رقة المشاعر ..
    أنت شريتيه والا لا ؟؟
    علمين ان جربتي الوصفة .. أشوف البنات يمدحنه مرررة .. يقولن خف الشعر مرررة وصار ناعم وشوي ..
    أنا اليوم شريت الفاسةخ من الرسيني ولا ادري هو نفسه والا غيره بس هو يقول انه للبخور ..

    بس شكلي ماناب مسوية الحلاوة .. ما اعرف وأخاف تخرب ..
    أبذوب حلاوة جاهزة واخلطهن معها وأشوف .. بس المشكله توي شايلة كود أصبر لما يطلع ..
    أما لو تصير الوصفة زي ما قالت .. انجاز وراحة والله ..
  5. نواعــم
    بنات / ابسئلكن وين يلقن أحواض السمك اللي يجي معهن ديكور انا شفت الي عند تحفة وابي اشيك ع باقي المحلات
    وشلونك نواعم>>>تمصلح الاخت...

    انا بسألك بعد اذا انت مجربة أحواض السمك لهن ريحة...

    ووشلون ينظفن

    انا كنت بشتري حوض بس قالوا لي وريحتهن:30: :30:

    عاد اسأل عن الريحة>>>ودي بهن

تابعي تجارب أخرى من هذا القسم.