بالعكس حلو دام عندك اولاد كبار يصير هالبيبي صديق أخوه أبو سنتين مايصير وحيد .. أنا حملت بولدي الثاني بدون تخطيط وبكري كان عمره سنه ... وبالعكس فرحت فيه واستمتعت بحملي قلت الله أراد أجيبله أخ يتسلى معاه وفعلا تشوفينهم مثل التوأم الله يحفظهم لعبهم ويومهم كله مع بعض ومتعلقين ببعض .. والحين بريح كم سنه حتى يكبرون وبإذن الله أجيب توأم بنات أو بنتين ورى بعض أهم شي مايكون الطفل وحيد واخوانه اكبر منه بكثير
ياحبيبتي عادي الحمدلله نعمه وخير وعلى ما تجيبين البيبي يكون الصغير عمره حلو اجل اللي تحمل وطفلها عمره شهور وش تقول توكلي على الله وافرحي بحملك السفر دام قبل 6 شهور عادي والوظيفه برضو عادي انا حملي كان مره مره صعب والحمدلله اخذت اجازه بالشهور الاولى وبعدين داومت لحد قبل ولادتي بكم يوم توكلي على الله وانتبهي لصحتك واكلك وخلي عيدك عيدين
صباح الخير حابه اقولك قصتي وشوفي كيف ياستي تزوجت وماشاءالله رحنا شهر العسل رجعت من شهر العسل بعدها باسبوعين جاتني التهابات ورحت للمستشفى وشي روتيني لازم تحليل الدم عشان الحمل لانو لو في حمل ممنوع المضاد وكنت متاكده انو مافي حمل خاصة انو جتني التهابات وكمان جرح من الدخله 😩 المهم طلعت حامل ماشاءالله تبارك الله ، سبحان الله مستوعبة انتي لسا بيتي ماكملت الاثاث، انا وزوجي كنا باقي ماتعودنا ع بعض والادهى والامر لسا فتره بسيطة واوقع عقد شغلي ووين اشتغل في جناح اورام يعني فيه كيماوي واشعاعي ودي كلها ممنوعه في الحمل يعني بالعربي دمار لمستقبلي المهني ، بس حمدت ربي سبحان الله الوظيفة تاخرت لين ماسرت في السادس يعني مافي خوف ع الطفل ، وربي فتحها عليا انا وزوجي وبجد كل طفل يجي رزقه معاه وضعنا تحسن بكثير وندمت ع كل لحظة بكيت فيها ، والان استناها بفارغ الصبر اشوفها واحضنها هيا افضل شيء سارلي في حياتي لا زواجي ولا وظيفة احلامي اللي ربي رزقني فيها يعادل شوقي لشوفتها ، شوفي حولك كم ازواج قاعدين سنوات بدون طفل وربي الحمدلله رزقك صح صعب انو ولدك صغير بس شوفي الايجابيات حيتربو سوا ويكونو قراب من بعض ترتاحي انهم يكبرو ويسيرو اصحاب ومايكون فارق العمر كبير ، والوظيفة ابدائي فيها واشتغلي وصدقيني ربي حيسهلها لكي فكري انها رزقة اولادك ، ولساتك في البداية يعني ماحتجي الشهور الاخيرة الا وانتي مثبته نفسك في الدوام وخذي اجازة وقت الولادة وصدقيني تساهيل ، وربي دوامي يمتد الشفت لين 14 ساعه واقفه على رجلي وتصبرت وربي يسهلها علينا مرا ماحبيت اطلع بدون ماارد ادري صعب الحمل بدون تخطيط بس صدقيني ماتدرين الخيره وين دعواتك اقوم بالسلامه قدني في نص التاسع والعقبى لك اهم شيء النفسية ، حبو لا تبكي والنونو يحزن معاكي