تجمع الأمل (94) للمقدمات على عملية أطفال الأنابيب والمنتظرات نتيجة التحليل

حتى انا زوجي اخذ حبوب الكلوميد 3 شهور ونزل العدد بشكل مو طبيعي حسبي الله ونعم الوكيل بس تركه وظل كم شهر والحين يزيد حبه حبه

انا حطو لي لان تحركت كثييييير ورجايلي ماجلست مكانها وخدورني زياده لان خافت الدكتوره اضربها هههه ومن كثر حركتي انجرحت ونزفت وكانو بخيطوني بس الحمدلله وقف وحطو لي شاش الله يصبر قلبك اذا شالوه 😭😭روح طالعه منك

من بعد ماشالت الشاش عني ماطلع معاها دم والحمدلله ماطلع بعدها دم يمكن انتي مثلي تحركتي كثير وانجرحتي بسيط ان شاءالله لاتحاتي وكلي امرك لله سبحانه وهو الكريم 🌸

ّردي هذا مخصوص لهوازن واللي حابه تستفيد دعواتكم
اولا حابه اقول انا ماني دكتوره ولا مختصه بتعلم زي زيكم وبدور الصح والغذاء الكويس اتابع برامج صحيه ودكاتره اغذيه باخذ المعلومه من هنا وهناااا والجمييييع اتفق ان الغذاء هو سر صحه الانسان طبعااا بعد فضل الله عزوجل
طيب الاكل والشرب في كل مكان الحمدلله ايش السر يعني والمهم في الموضوع وايش دخله بصحتنا ?
الله خلق الطيبات كامله غنيه بالفائده بس الانسان خرب هالطيبات
فصل الاغذيه زي القمح ودخل الهرمونات والملونات وطلعت امراض ماكانت موجوده
شوفو اهالينا خصوصا الي عاش في القرى والاريااف كيف صحتهم بحكيلكم من واقع بعيشه شايفه اهلي كانو عايشين بقريه ياكلو من الي بيزرعوه وبيستفيدو من الحيوانات الي بيربوها باكلها بشرب لبنها ومازال عندي اقااارب وااصل اعمارهم لل90 وفي حياتهم مادخلو مستشفى الا مره او مرتين ولسبب بسيط جدااا تبارك الله والله يديم عليهم الصحه يعني شايفه بعيني شبابهم صغارهم وكبارهم كيف صحتهم وشايفه عيال المدن كيف 😖😖 ما استثني نفسي
السبب من اكلنا
دخل الدقيق الابيض والرز و باقي النشويات من القمح المفصول الفواكه والخضروات من السوبر ماركت مرشوووشه بمواد عشان تحافظ عليها من الخراب والي متعوده تاكل من مناطق مزروعه وجات عالمدينه وشافت حتعرف الفرق 😁 الدجاج ومنتجاته وماادراك مليااانه هرمونات الاجباااان والسكر والملح والحلويات والمواد المصنعه وبلاوي ناكلها ونقول ليش تعبانين 😁😁
كلامي الي فووق كله بسبب امراض لانو دخلت مواد مضره للجسم واختلت معادنه وهرموناته
طيب نخصص الموضوع اكثر ونقول ايش دخله بتاخر الحمل ? الحمل بيد الله عزوجل اولا واخيرااا
اهتم باكلي وشربي مو عشان احمل وبس لا عشان اطلع بويضات كويسه عشان تنتظم هرموناتي واحمي نفسي من اي مرض وضد اي مشكله تواجهني مو بس حمل
ارجع اكرر الحمل وتمامه بيد الله وحده عزوجل وماننكر انو في ناس ربي رزقهم الذريه بدون جهد او تاخر حمل وعندهم امراض وفقر دم ولخبطه هرمونات وووو ومع ذلك ربي رزقهم اول طفل وثاني طفل ولكن الكثير تفشل محاولاتهم بالحمل بعد ثاني او ثالث طفل وتظهر مشاكل اكبر تعيق الحمل
الخلاصه الغذاء ثم الغذاء ثم الغذاء يحمينا ويحفظنا من بعد رحمه الله من عوائق تاخر الحمل او اي موضوع او مشكله بعيده عن الحمل
احنا اهل المدن كيف نختار الغذاء الصحي ?
حقولكم نصيحتي الي عملت فيها وربي فرقت علي اشياء كثيره
تربيتي اصلا ماكان فيها اكل مضر بالاساس يعني كان ممنوع الفاست فود وكثره الحلويات فما كان صعب علي الموضوع ارتب وجباتي الصحيه
اولا نتكلم عن منتجات الدقيق او القمح زي الرز الدقيق المكرونه الخبز التوست وووالقائمه تطول مستحيل احد ماياكلها بعدت واستغنيت عن اي شي يدخل فيه دقيق ابيض وجبت اللي مصنوع من القمح الكامل لبنات جده تلاقوه جهه المواد العضويه او المستورده في اي سوبرماركت او محل ابازير بشارع الامير سلطان
اللحوم ويدخل في اللحوم الحمراء والدواجن جيبوها من مصدرها يعني وصو احد يجيب من مزارع حتلاقو والله وفي محلات تبيع الدجاج البلدي والبيض جنب حلقه الخضار اللي في صفاا في جده 😁 بالله عليكم لحوم السوبرماركت وخرو عنهاااا
الخضروات والفواكه من حلقه الخضار و ابدااا لاتشترو من السوبر ماركت والي جربت الاثنين حتعرف الفرق او وصو احد بين فتره وفتره يجيب من مزارع الطايف والجنوب او تبوك او اي منطقه زراعيه
السوائل كثرو موويه مومعقول في وسط مدينه حاااره رطبه اسمع وحده تجي تقولي وفاتحه فمه مبسوطه والله اليوم شربت كاسه مويه تجي الثانيه ترد عليهاا كويس انا مافتكر متى شربت مويه 😵😵 ليش ياعالم ليش 😭😭 نياق انتو نياق ماتشربو مويه وجعلنا من الماء كل شيئ حي
العصائر المعلبه وخرووو عنهااا نفسك في عصير اضربي فواكه في الخلاط واعملي سموثي ولا احسن عصير 😋
دخلو في اكلكم انواع جديده من الحبوب زي الحنطه مثلا جدااا مفيده بذور الشيا والكتان جدااا مفيده العسل الاصلي البطاطا الحلوه الكينوا دائما طبقق خضار يكون حاضر في السفره الفواكه وغيرها كثير من نعم الله انتوبس عليكم البحث
خففو سكريات قد ماتقدرو لين يعدي كم يوم ماتحطو نقطه سكرر وحتشوفو الفرق
الملح استخدمو ملح بحري او صخري بدل ملح اليوم الله خلقلنا ملح طبيعي متوازن المعادن نروح نجيب المصنع والمكرر ليش 😖
المقالي وما ادراك ما المقالي 😖 حطو بخاخ بدل ماتكتو الزيت اشوو الاكل بدل القلي لو شي احتجتو تحطو كميه زيت زي الكيك والمعجنات حطو زيت جوز الهند افيد ومافي فرق بالطعم ..البطاطس ماتناكل الا مقليه ادري هالكلام بقلوبكم 😁 وانا اموت في البطاطس وكنت اكلها مقليه لو وجباتي في اليوم كلها بطاطس ماعندي مانع 😁 بس قلت صحتك اهم سويت طريقه اسلقها مده ماتزيد عن عشره دقايق وبعدها اصفيها من المويه واحطلها البهارات وملعقه وحده زيت زيتون وملح طبعا واشويها والله لذيذه وكانها مقليه
المعلبات استغنيت عنها والاجبان كمان خففت لين بدات اقطعها الحين الحمدلله
عندكم لبنه زبادي لبن حليب موضروري جبنه في كل طبق ووجبه
الاكل الصحي والوصفات مليانه في النت عاليوتيوب وقوقل مايقصر ماعليكم الا البحث والاختياار والاهم تختارو الصح
صدقوني لو وازنتو غذائكم باذن الله صحتكم بتتحسن والعينات الي حتعطوها افضل ويمكن يكرمكم الله بالحمل بدون علاج وهذا شفته بعيني ولاكثر من شخص ولاراح تحتاجو لادويه او مكملات
ماراح اتكلم بالادويه او الفيتامينات او المكملات لاني مودكتوره انا جربت نوعين برجناكير وكوكيو10 فرق معايه جسمي بعد استخدامي لكوكيو10 يمكن لو اقولكم 360 درجه قليل كنت بعاني من حساسيه انف مزمنه وتطورت للعين والاذن بضرف سنه اخذت ادويه اشكال والوان ومافادت بعد الكوكيو10 الحمدلله اختفت هالمشكله نهائيا الدوا عباره مضاد اكسده ولما وقفته اعتمدت على الغذا الغني بمضاد الاكسده
اعتذر والله لو طولت في الكلام بس والله من باب النصيحه ومحبتي لكم
ربي يديم عليكم الصحه والعافيه ويمتعكم ويكرمكم بالذريه الصالحه المعافاه

اللهم امين انا ب النسبه لي المستشفى كبير و واسع وفيه استشارين واسعارهم متوسطه و المبلغ ب التمام او ب الضبط ما اعرف لكن مهب غالي لكن المكلف يوم ترجيع الاجنه وهذي ثاني تجربه لي فيه الاولى لم يكتبها الله وهذي ثاني مره ،ويوم ترجع الاجنه سوو حاجه انا طبيا ما ادري اذا عادي او لا انا عندي اربع اجنه ويوم الترجيع فكوها كلها وخذو اثنين ورجعو جمدو الاثنين الباقين ف ما ادري هل اللي سوه صحيح او لا ؟المهم يعني المستشفى عادي وطبعا رجعولي فقط جنين 2 ورفضو يرجعون 3 اجنه يقول الدكتور خطر على الام ،ف مره انا قرئت كلام ل وحده انه اذا نجحت عمليه وحده مدحت المركز االي هي راحت له واذا ما كتب الله لها سبت المركز اللي هي فيه ،فا انا اشوفه مركز جدآ عادي لكن احنا اخترناه ل اسباب خاصه بنا والا انا كان ودي بمستشفى uz خصوصا انه فيه حاله امامي وهي صديقتي وماشاء الله االله رزقهم ب بنتين توئم بعدين ولد واللحين هي هناك ،الله يرزقنا واياهم واياك يارب ،اتمنى اكون افدتك .