بستشيركم إلي بتشور علي بالصبر لاتدخل موضوعي / قديم

الله يعينك ويقوي قلبك
لو المشكله بينك وبينه اتوقع في حلول
لكن البلا والمصيبه من اللي تاركه بيتها وعيالها ومناشبتكم
بالشقه
تبين رايي أجلي فكرة الطلاق


وأحسني مابينك وبين ربك وأاااااااااااادعي دعاء المضطر
أن ربي يصرفها من حياااتك
اشكي لربي سوئهاا واذاها وكونها مصيبة نزلت عليك
اشكي لربي تركهالبيتها وزوجها وعيالها عشان تناشبك هالكم متر
اشكي لربي تسلطها عليك
ادعي ربي يفرق بينها وبينك بخير
ربي سبحانه مطلع ولو الحقيقه نفس اللي كتبتها لنا
فيحق لك تدعين وينتظرون إجابة ربي
أما تجلسين تستضعفين لها هالحل اللي طرحته بعض الأخوات
مايناسب كل شخصية
وبصراحه حل قاتل للنفس والكرامه وحتى لوجاب نتايج

ماقول غير الله يكتب لك الخير وين ماكان ويفرج همك
قبل لاتطلقي جربي آآآآآخر الحلول إنت بايعه لا يهمك شيء عاملي أهله خصوصا أمه وأبوه بالمثل تجاهل تااااااام لا تروحي لا تتصلي لا توجبي أهله إذا دخل أحد منهم دارك عديه مثل زوجك مو ضيف الأكل من إلي تحضريه لكم زيدي الكميه وبس ولا تجاملي على حساب صحتك تعبانه روحي غرفتك إرتاحي ،التمشية مع أهله لاتروحي وشوفي ردة فعل زوجك ما يحس بالجمر إلا واطيها زوجك ما يفهم و يقدر إحساسك إلا إذا جربه .

انتي حرمه وعقلك كبير ان شاء الله استهدي بالله العيد باوله احيانا زوجي يعايد أمي ثالث العيد


انتي عندك ضغوط نفسيه غير هذا الموضوع

زوجك شكله من النوع البارد جدا ماهمه يعايد اول يوم ولا اخر يوم


شخصيتك حاره ماتحملين لازم يعيييد على الناس كلها باول يوم

قوليله بنروح لاهلي نعايدهم


لكن انتي اخذتي الموضوع بالقوووه ماراح يروح اعناد فيييك

تسبينه قدام امه الشغله ماهي بالقوه

شخصيتك ماتقدر تعايش فالحياه عصبيه وكل شئ بالقوه مافيه تفاهم ومسايس وكلام زين

اخذه قانون (يتمشي معي يأمشيك عصب)

وماحد قالك تكرفين لاهله الشئ اللي تبين تسوينه سويه برضاك

اجلسي مع نفسك هل اسلوبك ينفع فالحياه مع الناس ومع زوجك

واذا اسلوبك ماتغير بتطلقينه منه ومن غيره مارح تلقين اللي يمشي على كيفك

لويدرون اهلك بزعلك مايبونه يجي يعايد


ليتك تسلمين انتي وبيتك

عيالك شايفين عصبيتك وتطاولك على ابوهم عشان كذا يقلون ماتربت

جمايل اهلك وطبيتهم بزوجك من كرمهم

بس تاكدي لجيتي مطلقه ماراح يكرمونك انتي وعيالك

يكرمونك دامك بيتك ومع عيالك

فكرري هل تصرفاتك صح ولاغلط

ماعيد ع اهلك بكيفه .. صح شي يقهر لكن مو لدرجة تطلبي الطلاق لاتخربي بيتك الطلاق دمار الا في حالة وحدة لو كان وصلتوا لطريق مسدووووووود وصعبة العيشة مع بعض ساعتها يكون اخر حل الطلاق خاصة لو بينكم أطفال ماراح أقول لك اصبري لكن قبل لاتتخذي اي قرار لاسيما قرار مصيري مثل الطلاق لابد تفكري فيها من جميع النواحي غمضي عينك وتخيلي حياتك بالطلاق اهم شي حكمي عقلك مو عاطفتك ولاتتخذي قرار وقت غضبك واستخيري الله قبل كل خطوة تخطيها فما خاب من استخار والله يكتب لك اللي فيه خير يارب

صدقيني لو مش وساوس الاهل ماكان بيقاطعهم حسبي الله في كل من يخرب العلاقات
انا بعيده عن اهلي بس لما قلت لزوجي يرسل لامي يعيد عليها رسلها هذا لان اهله مو موجودين
لو كانوا موجودين بيعلموه لانهم دايم يتكلموا على اهلي بشين عنده وهذا حسد فيهم الله ينتقم منهم ويشغلهم فنفسهم