شاركي في النقاش

سجلي الدخول لإضافة تعليق.

التعليقات

645
  1. @maalm_agyal

    صاحبة الموضوع
    تهز الدنيا
    جزاج الله خير اختي على هذا الابداع وموفقه ان شاء الله
    بنت الشيخة


    عزيزتي بنبهك على شي ترا اللي يلصق عليه الشكشك موورق لا قماش واسمه جوخ أو القماش الوبري وناس يسمونه لباد عاد اكتبي عندك الأسماء عشان تسألين عنه وإذا قلتي ورق ماراح يعرفونه


    والله هذي افضل هديه تقدمينها لي وشكرا جزيلا والله يتقبل منك

    سحايب صيف
    عزيزتي أنا عندي وجهة نظر أخرى بقولك إياها ماحبذت فكرة الوجه المبتسم طوال الأسبوع لأنك أنتي بتستخدمين لوحة لعدة فصول يعني عند كل فصل بتغيرين الأسماء وراح تنسين من اللي عنها وجه وبالنسبة للطالبات الصغار ماحبذ فكرة مكافأتهم بعد أسبوع كامل لازم يحسون بالتعزيز بشكل يومي والا ماراح تتحمس وعندي ملاحظة لو على قولتك حطيتي لبنت وجه حزين يوم السبت مثلا بيمر باقي الأسبوع تتكسل وتشاغب لأنها عرفت إنها ماراح تحصل على أي شي يعني ماراح تأدي اللوحة الغرض بس عندي لك حل بالنسبة للبطاقات عشان ما تتكلفين سويها بحجم صغير مرررره يعني الورقه الوحدة يصير فيها 30 بطاقة وبس اكتبي عليها طالبة مثاليه وخلي كل بنت تجمع 10 أو خمسة على عدد أيام الأسبوع واللي بتجمع بترجعها لك وتبدأ من أول وجديد وممكن تخلين مكافأه يوميه وهي عبارة عن حلاو ترى النات يموتون على الحلاو وأنا عادتي أروح لحقين الجملة أشتري كراتين حلاو أستخدمها لهم خاصة مع صف أول وثاني


    فكرتك مرررررره حلوة وشكلها بتصير راااايقة الله يسهل عليك


    الجبل والشمس

    الله يجزاك خير والله فرحني كلامك بس عاد لاجا رمضان اخاف تنسيني!!!


    السلم هذا صوريه وقصيه بالنص بحيث يكون معك مجموع السلالم علىعدد الطالبات اللي تدخلين عليهم ودبسيه على الكتاب أو الدفتر وطبعا يصير معك استكرات نجوم وكل حصة تحطين للبنات اللي يستاهلون على نجمة وهكذا واللي تاصل القمة تشترين لها هديه من أبو ريالين والله يفرحون بها كثييييير
  2. ماشاء الله تبارك الله
    افكارك مره رائعة ياأم الافكار انت
    صحيح اني مالي شغل بالتدريس بس تراي استلفت منك لوحة النجوم وصورتها وحطيتها لولدي اللي يدرس تمهيدي لانه ماكان راضي يروح بدوني للمدرسه بس بعد ماحطيت له الوحه وعلقتها وقلت له كل يوم تروح الحالك بدون ماما نلون نجمه الى ان نصل الى الهديه والله ماتصدقين اليوم راح للمدرسه بدون هواش ولا صياح بس وهو طالع قال ماما لوني النجمه الى اخر شيء ههههههههه يبي ياصل
    للهديه باسرع وقت , وطلع والكشره شاقه الحلق من الوناسه
    الله يجزاك خير ويسلمك على مساعدتك لنا سواء مدرسات ولا عاطلات
    عاد تصدقين وانا اقرأ موضوعك تمنيت اني مدرسه بس عقب استغفرت وهونت ههههههههههههههه

تابعي تجارب أخرى من هذا القسم.