زوجي واهانته المستمره لي

زعلت عند اهلي مرتين وغسلو شراعه بس مافيه فايده طبع فيه ماراح يتغير وفي كل مره يعتذر ونتصالح ويرجع ع ماكان عليه

السلام عليكم ورحمة الله
أختي الإسلام حفظ للمرأة حقوقها وصان كرامتها ادا وصلت الامور بينكم لاهانة ويعايرك الافضل تتركينه والرجل يستحقر المرأة اللي تقبل عللى نفسها الاهانة وتسكت احفظي كرامتك واترفعي عنه والحين المحاكم بفضل الله تطبق قوانين كثير للمرأة حتى ادا كانت مطلقة الزام الزوج بدفع النفقة والسكن وادا مالتزم يطبقون فيه التنفيد يقتصون من راتبه وانتي معززة مكرمة وحاطة رجل على رجل لاتكوني ضعيفة انا خالتي نفس قصتك والحمدلله غصبن عنه طلق وينفق تكاليف نفقة اطفال وتكاليف نفقة ايجار بيت سكن يعني حقك تاخدينه بالشرع والحمدلله شوفيها مرتاحة وربنا رزقها بشخص متدين يراعي مشاعرها تقدرين تترافعين للقاضي وتثبتين اهاناته لكي لان لا الله ولا رسوله يقبل بهالشي رجاء خاص لكي وللاخوات لايتركون احد يهينهم حتى لو عندها اطفال في قانون في البلد وفي حقوق انسان والوضع الحين مو مثل قبل وانا مستعدة اي وحدة عندها مشكلة اوصلها للقضاء بإدن الله وتحارب من اجل حقوقها وكرامتها ..

الله يكون في عونك
زوجك لسانه متبري منه وعصبي لكن ابحثي ليش يعصب
يمكن عشانك ترادينه او ماتطيعينه او يحس انك شايفه نفسك عليه فهو يبي يكسر هالغرور
اذا عندك ولو رغبه قليله ان حياتك تستمر وان تزين امورك ويتغير زوجك حاولي تغيرين وتتغيرين
اولا انصحك تقرئين في انماط الشخصيه وتعرفين زوجك اي نمط ووش مفتاحه وش يحب وش يكره
واتوقع زوجك شمالي وفي الغالب هالنوع طيب وحبيب لكن اذا كنتي مطيعه ولاعاندتي وسم وابشر فبيكون من افضل شي معك


لابد تغيرين في تعاملك معه ولاتعاملينه الند للند ومسأله ان تربيتك في بيت اهلك غير فانتي الان زوجه والزوجه تختلف عن الابنه والاخت
وفي الشرع الزوجه ملزمه بطاعة الزوج الا في معصية الله وقال الرسول صلى الله عليه وسلم لو كنت آمرا احدا ان يسجد لاحد لأمرت المرأه ان تسجد لزوجها لعظم حقه عليها
انصحك يااختي ان تقرأي وتثقفي نفسك في حقوق الزوج على زوجته وتطبقيها اذا اردتي ان تتغير حياتك وتستقر وتعيشين بهناء وسعادة وراحة بال وحب وانسجام
الحياة لن تعيشيها الا مرة واحده فاحرصي ان تكون حياة جديرة بالعيش
والا كما تذكرين عن حياتك الان فهي التعاسة بعينها لك وله
وتذكري ان الله لايغير مابقوم حتى يغيروا مابأنفسهم
فلا تطالبي زوجك بالتغيير قبل ان تغيري من نفسك وتعاملك معه
فادخلي في تحد مع نفسك لللتغير والتجديد والمعاملة الطيبه والصبر حتى يأذن الله ويتغير زوجك ويكون كما تحبين
ولاتنسين الدعاء وطلب الله الاعانه والتسديد

وش يخاف منه ....يخاف انه مايكون مثالي قولي والله لفضحك عند الناس ....واطلع عيوبك وانتي حطمي منه ومن شكله وهزي ثقته بنفسه ....وقولي لو رجال امش لاجمع لك اخواني واعمامي وخوالي واعلمهم عليك وجب عمامك وخوالك ...طبعا تخويف والافضحك خليك قويه وكسري مجاديفه شغلي عقلله الباطني قولي لاتصدق نفسك وانا ساكته من اداب تربيتي والاوراي اهل لاعلمهم بالصغيره قبل الكبيره واذا بطلق طز موقفت عليك ...بيني انك حتى انتي بايعته صراحه ماله امان .....له نقطه ضعف بس انتي معرفتيه علشان كذا يسوي معك هالاشياء.....

انتي متاكده زوجك مايكلم؟؟
هل قد صارت بينكم مشاحنات وكنتي ضعيفه قدامه؟
هل شايف نفسه اجمل منك؟
هل شايف انه ماعندك ثقه بنفسك؟
هل صارت بينكم مواقف وحسستيه انه اجمل منك مثلا او افضل منك ؟
هل توقفي له وتاخذي موقف من اهانته؟
هل ماخذ فكره انه اهلك ماراح يستقبلوك ويعزونك ويوقفو معك لو لجأتي لهم؟
اسئله اسألي فيها نفسك وانتي راح تعرفي الحقيقه
عزي نفسك واحفظي كرامتك ولا ترضي بالاهانه ابدا حزتها بيعرف قدرك الله يهديه