زوجي و غيرته من بنته

زوجك في عتابه لك معه بعض العذر ..
موضوع زوجك مو غيرة .. لا ، عموماً الرجل يريد اهتمام من زوجته وخاصة وقت حاجاته الخاصة يكون وقتها مزاجه متعكر و يتوتر .. هذا من طبع كل الرجال .. فإذا أضيف له أنك مم رحمتك بابنتك تصرفين الكثير من الوقت والاهتمام عليها حتى في حضوره فهذا يزيد ضيقه .. والبنت الله يشفيها كبيره وضروري توازنين في نفسك وزوجك وبيتك .. وقت يكون زوجك بالبيت وغالباً وجود الرجل ببيته محدود اهتمي فيه واسندي رعاية البنت للخادمة وشوفي إذا فيه مراكز ممكن تاخذينها لها تغير جو ويفرغ طاقتها .. حاولي تستقل عنك شويّ مو من المصلحة تكون متعلقة فيك لوحدك .. فكّري لو غبتي عنها لأي ظرف ضروري تستقل .. شوي ..


أسأل الله أن يقر عينك بشفائها ..

لا ما يغار هو مو متقبل بنتكم وانها من ذوي الاحتياجات الخاصة واذا ما تقبل الانسان اي شي يكون عنده رفض له ويمحي كل تواصل بينهم ..
اختي من واقع معاشرة لامهات ذوي الاحتياجات الخاصة عاملي بنتك بحدود الطبيعي لا افراط ولا تفريط وتعلمي كيف تخلينها تهدى وماتبكي الا لشي يستحق مو بس كذا وادري انتي ام صعبة اقولك لا تعطفين اعطفي بس بدون افراط والله ان المركز اللي تدربت فيه اطفال تخلف عقلي شديد وماعندهم تركيز بس يفهمون اذا قلتي لا تسوين كذا و مرتبين وقت فطورهم ولعبهم ودراستهم
وربي يوفقك ويسخرلك زوجك ويشرح صدوركم

الحمدلله توحد ارحم من متلازمة داون ان شاء الله توحدها من النوع غير الحاد
بس ليه ماوضحت صاحبة الموضوع المرض والتوحد ماهي متلازمة ممكن الشفاء منها بإذن الله .. ولا حتى بينت عمر البنت كلنا حسبها طفلة صغيرة؟
ومادام حتى هي تضرب بنتها ليه تشكي من ابوها لا حول ولا قوة إلا بالله كيف فيها قلب تضرب إنسان مريض؟
يا الله وش وضع البنت طيب حاستها ضايعة دخلوها مدرسة؟ تتعالج؟ الله يكون في عون البنت المسكينة ويشفيها يا رب

ياعمري عليها مسكينة الله يصلح احوالكم يارب اختي لو عندك اخت عزابيه خليها تعتني ببنتك لحتى يهدأ زوجك و كثري من الإستغفار و الدعاء بالصلاة و اذا ما عندك اخت حاولي تنظمي وقتك مثلا نيميها بكير و تفرغي لزوجك عوديها على النوم بكير كمان حاولي تخليها تتعلق شوي بالشغالة لانها لو تعلقت كتير بيك ماراح تخلصي من المشاكل و ربي يصلح احوالك يااارب

لا يا قلبي هي فعلا متلازمية وعندها توحد كمان المسكينة...مرة كتبت طيف توحد ما افهم ايش الفرق وهل هو حاد او بسيط...الله يعينهم فعلا التربية صعبة وشيء طبيعي يطلع الانسان عن طوره..تخيلوا عندكم بنت 19 سنة وهي تلحق فيكي وين ماكنتي حتى عالحمام..وتبكي اذا تركتيها...والله ما الوم لا الام ولا الاب....يكفي ندعيلهم الله يصبرهم ويعينهم عتربيتها......