معاناة الموظفات

انا كنت نفس الحكايه ونزلت موضوع كامل عن هالشي..بس الحين عقلت وصرت ما اسلفه ولا اعطيه شي لا وكنت اول اصرف ع نفسي وعيالي والحين تغيرت اذا نزلت السوق اقول له كم بتعطي عيالك وكم انا في البدايه ما تقبل والحين الحمدلله لازم يعطينا ولو مبلغ بسيط لي وللعيال انا طبعا ازود من عندي وما اخبره بس اريده يتعود يصرف علينا بالرغم من ديونه والتزاماته..فبدل ما كان يتسلف من عندي خلاص ولا مره قال لي سلفيني يحاول يدبر لنا مبلغ في كل مره ننزل السوق...وهذا كله بفضل ردود بنات حواء نبهوني على اشياء كنت غافله عنها

تمسكي بأنك ما تعطيه
ترا بتصير عاده عنده انه يأخذ منك وتصيري رجال البيت

صراحه طالما يرجعهم سلفيه بالنهايه فلوسك بترجع لك في رجال ياخذون من حريم ولا يرجع قرش وفوق هذا معامله زفته ماعليك من كلام الحرمه الي قالت لك تجمعين وتجي الغزاله طيب هو يرجعهم يعني وش فيها لا ساعدتيها بالنهايه خيره لعيالك وان لم يكن لك بس انتي شدي عليه شويات يعني مو كل مره ينزنق تسلفيه واذا قال وش فيك قولي له انت ماتقدرني حتي ماتجيب لي هديه لو باقه ورد ب100 ريال يعني مااستاهل ومن هالكلام حسسيه انك زعلانه انه مقصر معك شويات وبس وفي حاله اذا هو مايعطيك لما تنزنقين عامليه بالمثل مره عطيه ومره لا عشان يحس

لا ضرر ولا ضرار اصرفي على نفسك واشتري الي بخاطرك واجمعي شي لك من دون مايدري.. ماتدرين عن الدنيا واذا باقي شي عطيه سلف .. الرجال حتى لو زين مع زوجته عند الفلوس الا تتغير نفسيته . او انك تحاولين تشترين ارض اقساط عشان تضمنين مايروح الراتب على الفاضي .. الايام تمشي ماتدرين الا وانتي قريبه على التقاعد وايدك صفر ..

الله يفرج همك ياقلبي اذا عندك وماتبين تعطينه حسيتيه فعلا مو مزنوق ولا هو شيء ضروري يبي الفلوس فيه
قولي له ماعندي تعرف لو عندي بعطيك ومن هالكلام ولاتضغطين على نفسك