تجمع الأمل (94) للمقدمات على عملية أطفال الأنابيب والمنتظرات نتيجة التحليل

تصدقون اني حسيت العمليه ماراح تكمل كنت اقرأ البقرة وفيها ايه(والذين إذا أصابتهم مصيبة قالو إلنا لله وإليه راجعون)وربي كان قلبي يوقف عندها واحس بشي غريب والحمدلله على كل حال الله يجعلها تكفير لذنوبنا واجر لصبرنا وشفاء لنا

هوازن يا قلبي ..
ما ودي اضيق صدرك لكن الحقيقة ان التخصصي هذا اول موعد لك بيكون بدايته يا تحاليل وفحوصات لكم او يعطونكم موعد بعد بشهر شهرين لتحاليل و لمسحة عنق الرحم وو .. وبعدها اذا قبلو حالتك خلاص يقولون اتصلي اول يوم من الدوره كل شهر وما راح يقبلونك نهائياً وتسوين العملية الا بعد ب 6 شهور الى سنه فأكثر للاسف الشديد

ومع ذلك .. قد تكون حالة عن حالة تختلف فيها القبول والنهائي ويكون اقل ..
حالتي pgd اللي هو الفحص الوراثي قبل الغرس

ايوه انا زيك كنت بتخصصي جده اول ماجيت كان فيه مازن بشاره شهرين وطلع وبعدين دكتوره وجلست كمان شهرين ورجعت الرياض وبعدها دكتور خالد ابو ليه صراحه ابدأ مارتحت له وبعدها طلبنا تحويل للتخصصي بسرعه وافقوا بس تعرفي الاجراءات ع بال ماعطونا موعد عدت نص سنه وعلى بال ماجى موعدي تقريبا يبعه او ثمانبه شهور ننتظر


ريما انتو ارجعوا قدموا وخلوه متى ما يجي يجي سبحان الله ماتعرفي ايش يصير بكره

انا كنت متفاااااائله جداً جداً بنجاحها ..

صحيح امر ربي انه ما كتب لي الحمل وخيره اللهم لك الحمد
لكن في لحظة ضعف مني ودخل الشيطان ووسوس لي
في فترة التنشيط والهرمونات تلعب سامري جلست اصييح وقلت لزوجي اذا ما نجحت بسوي بخاص خلاااص ما استنسى مواعيد التخصصي

بعد ما قلتها بدقيقتين تنددددددمتتتتت لاني على ثقه برب العالمين انه بيحقق لي اللي اتمنى وبيرزقني ولاني مؤمنه ب انا عند ظن عبدي بي ..
لكن الشيطان وسوس لي وقلت اللي قلته ..

ادري والله بهالاجراءات اقولها وانا قلبي يتقطع لكن مافيه شي عن الله بعيد إذا أراد شيئا قال له كن فيكون والله يرزقنا بفضله ويغنينا عمن سواه ويجعل خاتمة صبرنا بالذريه الصالحه وغفران الذنوب والشفاء العاجل الحمدلله على كل حال
والحين بنضغط على انفسنا وبنعمل جمعيه يارب يهونها علينا ويبارك لنا في مالنا وصحتنا