هل تنصحوني أدرس منازل أو أدرس بمدارس تعليم الكبيرات ؟

عليكم السلام هلا اختي
احسك مو كبيرة احسن قدمي منازل
وبعدين في الثانوي ان شاء الله انتظمي عشان تصير فرصة قبولك في الجامعة اكبر
انت قدمي وعن الاختبارات اكيد بيقولوا لك المعلمات عن طريقتها وكمان الشرح اظن تذاكري في البيت واذا استصعبتي شيء ممكن تداومي قبل الاختبارات وتساعدك معلمتك او الحين النت صار فيه شروحات الله ييسر لك يا اختي

شكراً على الإفادة
أنا رغبتي منازل لكن شايلة هم الشرح لأنه النت ما فيه شرح لكل شي

على حسب اذا انتي من النوع الي يمشي بالمنازل ولالا
انا ماناسبني المنازل فدرست بنظام الكبيرات وكان مريح لي بكل شي
بس يبقى تعب الدوام كل يوم ومزاجية بعض المعلمات الله يصلحهم
والحمدلله تخرجت من ثالث ثانوي وكنت الاولى من فضل الله
وفي من صحباتي درسوا منازل وكانوا متفوقات ماشاءالله ونسبهم احسن من المنتظمات
فانتي شوفي شخصيتك من اي نوع وبالنسبة للشرح في المدرسة الالكترونية مسويتها وزارة التعليم
في شرح اغلب المناهج من ابتدائي الى الثانوي انا كنت معتمدته بشرح النحو والصرف
ونصيحتي كملي ثم كملي ثم كملي منازل او منتظمة الي تقدري عليه

شكرا أختي على النصيحة
ممكن رابط المدرسة الالكترونية و هل تغنيني عن المدرسات الخصوصيات ؟

جميل انك فكرتي تكملين تعليمك .. يعتمد على وقتك هل انتي متزوجه وعندك مسؤلية بيت واولاد ولا لا ؟
اذا درستي في مدرسة الكبيرات بتحضرين الشرح وتفهمين الدروس .. لكن حسب ماسمعت مع النظام الجديد يطالبونكم بمشاريع وبحوث
المنازل لا .. لكن اختبار المنازل لازم تجيبين اقل شيء في الاختبار 50 ..
وعادي تختبرين قران يحددون لك السور وانتي تحفظينه ف البيت .. اصلا قبل الاختبارات بشهر يتصلون عليك المدرسه تجين تحضرين المراجعات وتخططين من البنات
لاتخافين استخيري الله وشوفي الي يناسبك ويناسب وقتك وربي يوفقك ..