تجمع الأمل (94) للمقدمات على عملية أطفال الأنابيب والمنتظرات نتيجة التحليل

ونعم بالله
امين ياااااااارب
والله كله كووووووم وفتره الانتظار كوم ثااااااني
لعب اعصاااااب
الله يهونها علينا يااااااارب ويبشرنا بكل خير

امين يا رب
الله لا يضيع لنا تعب ويبشرنا بما يسرنا

امين ياااااارب
والله احاول قد ماقدر بس لاني ماخرج ومحبوسه غصب عني افكر واقلق الله يعدي الايام على خير يارب
طبعا كلمته للمره الاخيره وقالي قبل يوم الاثنين مافي تحليل ريحي راسك
الله يعيني

ايه بالتخصصي الرياض ..
الحمد الله اول 3 مواعيد تحاليل وبعدها ب 10 شهور قبلوني
الادويه من اول موعد اعطوني فوليك 1 ملجم
الدكتور مو محدد كل مره احد مره دكتورة مره دكتور وبعضهم معاهم متدربين
كتبوا لي تطعيمات قبل العملية واول ما قبلو حالتي وبلغوني اني اتصل عليهم اخذتها في المركز الصحي ..
تطيعم الكبد الوبائي 3 جرعات
تطعيم الحصبة الالمانية (ممنووووع الحمل الا بعد 3 اشهر من اخذ الجرعة )
*فترة التنشيط*
3 يوم من الدوره عملوا لي سونار شافو بطانة الرحم ..بعدها قابلتني *الممرضة المنسقة* وبلغتني وشرحت لي الدورة العلاجية بدأً من المنشطات الى الترجيع
واعطوني المنشطات مينجون 7 ايام تقريباً
كان كل يومين لي موعد يشوفون حجم البويضات الاخصائية فقط وما تبلغك باي شئ لا حجم البويضات ولا عددها ولا شئ وفي حال احتاج ابر اكثر المنسقة تكتب لي ابر التنشيط
بعدها ب 11 يوم كتبوا لي الابرة التفجيرية اورغلوتران وحددوا لي موعد السحب واعطوني ورقة التعليمات من صيام وامتناع عن الجماع وو ..
*يوم السحب *
يحطوني بغرفة الافاقه ومعاي كذا بنت بنفس الغرفه
ويعطوني المغذي وياخذون العلامات الحيوية ..
وفيه غرفه صغيرة غرفة السحب والترجيع وفيه شباك على المختبر ..
في غرفة السحب وبعد التأكد من الاسم خدروني مو كامل طبعاً وخفيف احسه حلم ذاك اليوم معهم وموب معهم لما صحيت نهائي
اللي عملت لي السحب دكتورة ولا اعرف اسمها الحقيقة ..
ولا بلغوني كم سحبوا ولا شئ
وكتبوا لي على ابر برجوسترون( هم خيروني بين تحاميل او ابر اخترت الابر واستمر عليها إلى يوم التحليا )
اخذها يومياً مساءً (من 5-9) اختار وقت واثبت عليه باقي الايام
*الترجيع*
للي مثل حالتي فحص وراثي قبل الغرس يكون رابع او خامس يوم من السحب
رحت وانا شاربه 3 اكواب مويه حسب التعليمات
كانوا معاي 4 كلنا ترجيع
قبل الترجيع قابلنا الدكتور احمد الصانع وهو اللي بلغنا بعدد البويضات اللي سحبوها واللي تلقحت والسليمة و المصابه والحاملة
*اشييين نقطه لان صدق مفروض قبل علموني او اي شئ وقتها كانت المثانه مليانه وانتو بكرامة وهو تأخر ساعه ونص وما فيني حيل اناقش ابي بس يرجعون *
في غرفة الافاقة كنا 4 كلنا مخلينا نجلس على كراسي على جنب ممنوع حتى لو نجلس على السرير عادي لو ما فيه كرسي الوحدة تكون واقفه :) ما علينا ..
رجع الجنين الدكتور وللحق يده خفيفه ما شاء الله ..
وخلص جلست بس شوي وقوموني امشي وخلصت
وبما اني اول مره رحت للاستراحه وشفت اللي قبلي متسدحين بالغرفة الانتظار انسدحت معهم :( ومتعبه مره الكراسي لان بينهم حديد حقت شخص واحد .. جلست يمكن ربع ساعه وطلعت بكرسي ..
واعطوني ابر البروجسترون و موعد بعد 16 يوم للتحليل
*يوم التحليل*
اخذو عينه وبلغتني الممرضة المنسقة بالنتيجة و اني اتصل عليهم مثل اول بعد شهرين
كان نفسي اقابل دكتور او دكتوره يشرحون لي اسباب الفشل العمليك اعرف انه امر ربي لكن توضيح منهم للاجراءات اللي بعدها وغيره قد يساعد
طلبت منهم تقرير علشان ارجع بخاص
اللهم اني وكلت امري فكن لي خير وكيل ودبر لي امري فإني لا احسن التدبير ..
اسأل الله العظيم الوهاب الرزاق المعطي ان يهب لي الذرية الصالحة و وان يسدد ايادي الاطباء و يبارك فيها ويبلغني واياكم بالحمل التام والذرية السليمة المعافاة الصالحة ..
بالنسبة لسؤالك بخصوص الجين يا سهل امري
ما فهمت عليك3 و 4
هو يختلف فحص الجين من مرض لاخر ومن شخص مصاب بنفس المرض لاخر ..
اذا تلقحت البويضات سحبوا خليه وفحصوها
*** مرررره شين انه بس عدد المشاركات محدود ب 8 في اليوم للاعضاء الجدد متى اوصل ل 50 واخلص 🙄 الرد اعلاه بالنوت من 24 ساعه 🔫***

امين ياااااارب
الله يرزقنا جميعا من واسع فضله
بقوم اصلي واقرا قران عسا القلق يروح شوي
الله يرزقني ويرزقكم جميعا يارب اضعاف مانتمنى❤