تجمع الأمل (94) للمقدمات على عملية أطفال الأنابيب والمنتظرات نتيجة التحليل

انا سويتها مرتين وففشلت وكل شوي ادخل اطل عليكم يجيني خوف ورهبة اني اعيدها لان بمنطقتي ماعندنا مستشفيات فأضطر اسافر وتعب ومواعيد ورايحة جايه مع الطريق واخرتها تعب نفسي للتحليل يااااااااااه والله تعب الله يرزقنا يارب كلنا بحمل طبيعي بدون تعب تام الخلقه يارب العالمين ويعوض من فشلت عملياتهم بالخلف الصالح يارب

مشكوره ياعسل ع ردك
اخذت موعد مع الدكتوره الاسبوع الجاي وبستشيرها بس اكيييييد مافي زي المجربين
وانا بستخير ان شاءالله والله يكتب اللي فيه الخير يارررب

الله يجزاك الجنه ياعسل

لا ياقلبي لا تخافين ولاشي ولاااااازم تسعين لرزقك ماعليه حاولي لين الله يكرمك لاتخلين الخوف يسيطر عليك
ادري شعور الفشل مو سهل وانا والله اكلمك الحين وانا مو مستوعبه اللي صار لي لدرجة اشك بالتحليل وبعيده الثلاثاء ان شاء الله في مختبر ثاني
وبالعكس والله اني متحمسه اعيدها اكثر من مره
لاني احب حياتي احب زوجي اللي ربي انعمه علي احب نعمة الاطفال ومتاكده وعندي يقين بإن الله بيرزقنا ويكرمنا ليش اخاف اسوي واتوكل ع الله وماخاب من قال يااارب
عيديها معي بنفس توقيتي خلينا مع بعض في كل خطوة نشجع بعض
شوفي البنات ماشاء الله ربي رازقهم وحنا بعد دورنا جاي باذن الله
توكلي ع الله وباذن الله ربي مايخيب رجاك اهم شي لاتستسلمين
والله تعرفت ع وحده 17 سنه مارزقها ربي عيال وتقول هي وزوجها سليمين وبعد السنين هذي كلها راحت للمركز ورابع محاولة ربي يكرمها وتجيب بنت وتجمد اجنه وترجع لهم وتجيب ولد يعني الحمدلله رحمة ربي كبيره والحمدلله انا وانتي وكل البنات اللي لجؤ لهالعمليه بعد توفيق الله بنعمه كبيييره غيرنا يتمنى بس يعرف وش السبب ومو قادر ماعنده القدره يتابع ويروح ويجي والحمدلله
اهم شي تفاااااااءلي وربي معاك واحسني الظن والله ييسر امرك ويوفقك ويرزقك ويشرح صدرك وييسر امرك

على رآسها ريشة
ما شاء الله عليك الله يزيدك ثبات وتفاؤل كلامك صحيح الفشل مو نهاية الحياة والإنسان ما يدري وين الخير لعل الله يؤخر عنه ما يتمنى أن يحصل عليه لحكمة يعلمها سبحانه فهو أرحم بعباده من أنفسهم
( رب لا تذرني فردا وأنت خير الوارثين )